பேரூராட்சி/ நகராட்சி / மாநகராட்சி பகுதிகளில் ஏரியா சபை, வார்டு கமிட்டி கூட்டங்களை சட்டப்படி ,சீரிய இடைவெளியில் நடத்த வலியுறுத்தி மாண்புமிகு முதல்வர் அவர்களுக்கு மனு.

பதிவுகளை சரிபார்த்து அனுப்பவும்

👤 உங்கள் விவரங்கள் (Your Details)

பெயர் (Name): *

முழு முகவரி (Full Address): *

மின்னஞ்சல் (Email): *

மாண்புமிகு மக்கள் தன்னார்வலர் எண் (Volunteer ID):

தொடர்பு எண் (Phone Number): *

To (பெறுநர் Email):

CC :

BCC :

To Address (பெறுநர் முகவரி):

மாண்புமிகு மக்கள் பணியாளர் முதலமைச்சர் திரு. C. ஜோசப் விஜய் அவர்கள்,
முதலமைச்சர் அலுவலகம், சென்னை – 600 009.

Subject (பொருள்):

தமிழ்நாடு நகர உள்ளாட்சி சட்ட விதிகள் 2022-ன்படி ஏரியா சபை மற்றும் வார்டு கமிட்டி கூட்டங்களை முறையாக நடத்தவும், உள்ளாட்சி முறைமை நடுவம் அமைப்பை வலுப்படுத்தவும் கோரிக்கை 131

Message Body (செய்தி):

 பார்வை : G.O. Ms. No. 92, நகர நிர்வாக மற்றும் நீர்வள துறை, தேதி: 24.06.2022; Tamil Nadu Local Bodies Ombudsman Act, 2014 (Act No. 27 of 2014); செய்தி வெளியீடு எண்: 995, தேதி: 23.05.2023 (TN Govt Bulletin on Area Sabha dates).


மாண்புமிகு  முதலமைச்சர் அவர்களுக்கு வணக்கம்,

தமிழகத்தில் 60 ஆண்டுகளுக்கு பின்பு பெருவாரியான மக்களின் நன்மதிப்பைப் பெற்று ஒரு ஆட்சி மாற்றத்தைக் கொண்டு வந்துள்ள உங்களுக்கும் உங்களது அமைச்சர் சகாக்களுக்கும் உங்களது பணி சிறக்க எங்களது மாண்புமிகு மக்கள் இயக்கம் சார்பாக வாழ்த்துக்கள்.

ஏற்கனவே, சேவை உரிமை சட்டம் (Right to Service), தகவல் வழங்குவோர் பாதுகாப்பு சட்டம் (State Whistle Blower Protection Act) ஆகியவற்றை இயற்றி நடைமுறைப்படுத்த வலியுறுத்தி தங்கள் முன்பாக எங்களது இயக்கத்தின் சார்பில் சமர்ப்பிக்கப்பட்ட மனுக்கள் தங்களை வந்து அடைந்திருக்கும் என நம்புகிறோம். எங்கள் இயக்க தன்னார்வலர்கள் தமிழ்நாடு முழுவதும் தகவல் அறியும் உரிமை (RTI), குறைகளைவு, ஊழல் ஒழிப்பு, வெளிப்படையான ஆட்சி ஆகியவை குறித்து மக்களுக்கு விழிப்புணர்வை ஏற்படுத்தி வருகிறோம்.

இந்நிலையில், தமிழ்நாட்டின் நகர உள்ளாட்சி நிர்வாகத்தில் இன்றுவரை நிலுவையில் உள்ள இரண்டு மிக முக்கியமான சட்ட உரிமைகள் குறித்து தங்கள் கவனத்தை ஈர்க்கிறோம்:
●	ஏரியா சபை மற்றும் வார்டு கமிட்டி கூட்டங்கள் சட்டப்படி நடத்தப்படாமல் மக்கள் தங்கள் உரிமைகளிலிருந்து வஞ்சிக்கப்படுகின்றனர்.
●	உள்ளாட்சி ஓம்புட்ஸ்மன் போதுமான வலிமையின்றி செயல்படுவதால் மக்கள் புகார்களுக்கு சரியான நேரத்தில் தீர்வு கிடைக்கவில்லை.

1 : சட்ட ஆதாரம் — ஏரியா சபை & வார்டு கமிட்டி

தமிழ்நாடு அரசு, G.O. Ms. No. 92 / 2022 மூலம் மிகத் தெளிவாக கீழ்க்காணும் உத்தரவுகளை பிறப்பித்துள்ளது :
▶	ஒவ்வொரு நகராட்சி வார்டும் பகுதிகளாக (ஏரியாக்களாக) பிரிக்கப்பட வேண்டும் — நகரப் பஞ்சாயத்தில் 3, நகராட்சியில் 4, மாநகராட்சியில் 4 முதல் 10 வரை.
▶	தலைவர் / செயல் அலுவலர் (Executive Authority) ஒவ்வொரு 3 மாதங்களுக்கும் ஒரு முறை ஏரியா சபை கூட்டம் நடத்த வேண்டும் — விதி 10(2).
▶	வார்டு கமிட்டி கூட்டங்களும் 3 மாதங்களுக்கு ஒரு முறை கட்டாயமாக நடத்தப்பட வேண்டும் — விதி 6(2).
▶	மக்களின் திட்டங்கள், குறைகள், புகார்கள் ஆகியவற்றை கவுன்சிலிடம் சமர்ப்பிப்பது ஏரியா சபையின் முக்கிய கடமை — விதி 11.
▶	கூட்டத்திற்கு வருபவர்களிடம் எந்த கட்டணமும் வாங்கப்படக்கூடாது — விதி 12.

2 : அரசு செய்தி வெளியீடு — குறிப்பிட்ட தேதிகளில் ஏரியா சபை கூட்டம் நடத்தப்படவேண்டும்.

செய்தி வெளியீடு எண்: 995, தேதி: 23.05.2023 — தமிழ்நாடு அரசு வெளியிட்ட இந்த செய்தி வெளியீட்டில் மிக முக்கியமான ஆணை பிறப்பிக்கப்பட்டது:
🔴  மாநகராட்சிகள், நகராட்சிகள் மற்றும் பேரூராட்சிகளில் ஏற்படுத்தப்பட்டுள்ள ஏரியா சபைகளின் கூட்டங்களை ஆண்டுதோறும், தேசிய வாக்காளர் தினமான ஜனவரி 25 ஆம் நாள், டாக்டர் அம்பேத்கர் அவர்களின் பிறந்த தினமான ஏப்ரல் 14 ஆம் நாள், பேரறிஞர் அண்ணா அவர்களின் பிறந்த தினமான செப்டம்பர் 15 ஆம் நாள் மற்றும் சர்வதேச மனித உரிமைகள் தினமான டிசம்பர் 10 ஆம் நாள் ஆகிய நான்கு தினங்களில் நடத்திட வேண்டும் என ஆணையிட்டுள்ளார்கள்.

இந்த அரசு ஆணைப்படி, ஆண்டிற்கு 4 முறை கட்டாயமாக நிர்ணயிக்கப்பட்ட தேதிகளில் ஏரியா சபை கூட்டங்கள் நடத்தப்பட வேண்டும். விதி 180-ன் படியும் ஏரியா சபை கூட்டங்கள் மூன்று மாதங்களுக்கு ஒரு முறை, அதாவது வருடத்திற்கு நான்கு முறை நடத்தப்பட வேண்டும்.

இந்த அரசு ஆணை வெளியான பிறகும் கூட, பல பேரூராட்சி/நகராட்சி/மாநகராட்சி  பகுதிகளில் இந்த நான்கு கட்டாய தேதிகளிலும் ஏரியா சபை கூட்டங்கள் நடத்தப்படவில்லை என்பது மிகவும் வருந்தத்தக்க உண்மை. இதன்மூலம், தமிழ்நாட்டின் நகர்ப்புற உள்ளாட்சி அமைப்புகளில், , இன்றுவரை தொடர்ச்சியாக அரசின் உத்தரவுகள் செயல்படுத்தப்படாமல் உள்ளது.

எண்	தேதி	                  நினைவு நாள் / சிறப்பு
1	ஜனவரி 25	      தேசிய வாக்காளர் தினம்
2	ஏப்ரல் 14	      டாக்டர் அம்பேத்கர் பிறந்த நாள்
3	செப்டம்பர் 15        பேரறிஞர் அண்ணா பிறந்த நாள்
4	டிசம்பர் 10	      சர்வதேச மனித உரிமைகள் தினம்

⚠️  அரசே நிர்ணயித்த இந்த நான்கு கட்டாய தேதிகளிலும் ஏரியா சபை கூட்டங்கள் நடத்தாத உள்ளாட்சி அதிகாரிகள் மீது உடனடியாக நடவடிக்கை எடுக்க வேண்டும் என்று மாண்புமிகு மக்கள் இயக்கம் சார்பாக உரிமையோடு கோரிக்கையை வைக்கின்றேன்.

3 : ஏரியா சபை & வார்டு கமிட்டி — கோரிக்கைகள்

உங்கள் வெளிப்படையான அரசிடம் எங்களது மாண்புமிகு மக்கள் இயக்கம் சார்பாக கீழ்க்காணும் கோரிக்கைகளை உரிமையுடன் சமர்ப்பிக்கின்றேன்.:
●	தமிழ்நாட்டிலுள்ள அனைத்து மாநகராட்சி, நகராட்சி, நகரப் பஞ்சாயத்துக்களிலும் G.O. Ms. No. 92/2022-ன்படி ஏரியா சபை எல்லைகள் (பகுதிகள்) உடனடியாக வரையறுக்கப்பட்டு மாவட்ட அரசு இதழில் அறிவிக்கப்பட வேண்டும்.
●	அரசு செய்தி வெளியீடு எண்: 995 / 23.05.2023 நிர்ணயித்த நான்கு கட்டாய தேதிகளிலும் (ஜனவரி 25, ஏப்ரல் 14, செப்டம்பர் 15, டிசம்பர் 10) ஏரியா சபை கூட்டங்கள் சட்டப்படி தவறாமல் நடத்தப்பட வேண்டும்.
●	ஏரியா சபை கூட்டங்கள் ஒவ்வொரு 3 மாதங்களுக்கும் ஒரு முறை கட்டாயமாக நடத்தப்பட வேண்டும். நடத்தாத நிறைவேற்று அதிகாரிகள் மீது ஒழுங்கு நடவடிக்கை மேற்கொள்ளப்பட வேண்டும்.
●	வார்டு கமிட்டி உறுப்பினர்கள் சட்டவிதி 5-ன்படி சரியான முறையில் பரிந்துரைக்கப்பட்டு, ஒவ்வொரு 3 மாதத்திற்கும் கூட்டம் நடத்தப்பட வேண்டும்.
●	ஏரியா சபை கூட்ட அறிவிப்புகள் 7 நாட்கள் முன்னதாக வாட்ஸ்அப், SMS, ஊடகங்கள் மற்றும் அரசு ஆப்ஸ் வழியாக மக்களுக்கு தெரிவிக்கப்பட வேண்டும்.
●	ஏரியா சபை / வார்டு கமிட்டிக் கூட்டங்களில் மக்கள் முன்வைக்கும் திட்டங்கள் மற்றும் புகார்கள் கவுன்சிலில் கட்டாயமாகப் பதிவு செய்யப்பட்டு, செயல்படுத்தப்பட வேண்டும்.
●	ஒவ்வொரு கூட்டத்தின் நடவடிக்கை ஆவணங்கள் (Minutes) உரிய காலத்தில் வெளியிடப்பட்டு, நகராட்சி இணையதளங்களில் பதிவேற்றப்பட வேண்டும்.
●	ஏரியா சபை கூட்டங்கள் தொடர்ந்து நடத்தாத அலுவலர்கள் மீது கடுமையான நிர்வாகப் பதில் கட்டாயப்படுத்தப்பட வேண்டும்.


4 : உள்ளாட்சி  முறைமை நடுவம்  (Localbodies Ombudsman ) — வலுப்படுத்தல் கோரிக்கைகள்

தமிழ்நாடு உள்ளாட்சி ஓம்புட்ஸ்மன் சட்டம் 2014 (சட்ட எண் 27/2014) மக்களுக்கான வலிமையான ஆயுதமாகும். ஆனால் இந்த அமைப்பு வலிமையிழந்து செயல்படாமல் உள்ளது. கீழ்க்காணும் கோரிக்கைகளை உரிமையுடன் சமர்ப்பிக்கின்றேன்:
●	உடனடியாக தகுதியான, அனுபவமுள்ள ஓம்புட்ஸ்மன் நியமனம் செய்யப்பட வேண்டும் — பதவி எக்காரணம் கொண்டும் காலியாக வைக்கப்படக்கூடாது.
●	ஓம்புட்ஸ்மன் அலுவலகம் ஒவ்வொரு மாவட்டத்திலும் கிளை (Outreach Sitting) ஏற்படுத்தப்பட்டு மக்கள் நேரடியாக புகார் தரும் வசதி செயல்படுத்தப்பட வேண்டும்.
●	புகார்களை 90 நாட்களுக்குள் தீர்க்கும் கட்டாய கால வரம்பு (Time Limit) நடைமுறைப்படுத்தப்பட வேண்டும்.
●	ஓம்புட்ஸ்மன் உத்தரவுகளை செயல்படுத்தாத உள்ளாட்சி அலுவலர்கள் மீது சட்டம் 12-ன்படி கடுமையான நடவடிக்கை உடனடியாக எடுக்கப்பட வேண்டும்.
●	ஓம்புட்ஸ்மன் ஆண்டறிக்கை (Annual Report) தமிழ்நாடு சட்டப் பேரவையில் கட்டாயமாக தாக்கல் செய்யப்பட வேண்டும் — சட்டம் பிரிவு 12(2).
●	நிரூபிக்கப்பட்ட உள்ளாட்சி ஊழல் வழக்குகளில் குற்றவாளிகளுக்கு கடுமையான தண்டனை வழங்கப்பட வேண்டும். குற்றம் செய்தோர் கட்டாயம் தண்டிக்கப்பட வேண்டும்.
●	ஓம்புட்ஸ்மன் புகார் படிவம் (Form I) தமிழிலும், ஆங்கிலத்திலும் அனைத்து நகராட்சி / மாநகராட்சி கட்டிடங்களிலும் கட்டாயமாக வைக்கப்பட வேண்டும்.

5 : பொது மக்களின் நீண்ட நாளைய ஏக்கம்.

இந்திய அரசியலமைப்பின் 74-வது திருத்தம் (1992) உள்ளாட்சியை ஆட்சியின் மூன்றாவது தளமாக உருவாக்கியது. நகர்ப்புறங்களில் உண்மையான அதிகார பரவலாக்கம் என்பது ஏரியா சபை மூலம் நேரடி ஜனநாயகம் செயல்படுவதில்தான் இருக்கிறது.

தமிழ்நாடு அரசே செய்தி வெளியீடு மூலம் கட்டாய தேதிகளை நிர்ணயித்துவிட்டது. ஆனால் அந்த ஆணைகள் செயல்படுத்தப்படாமல் உள்ளன. இது நிர்வாக தோல்வி மட்டுமல்ல — மக்களின் அரசியலமைப்பு உரிமையின் மீதான அலட்சியத்தை காட்டுகிறது.

இன்று மக்கள் தங்கள் தேவைகளை நேரடியாக அரசாங்கத்திடம் சொல்ல ஏரியா சபை மேடை தேவை. ஓம்புட்ஸ்மன் திட்டம் ஊழலுக்கு எதிரான மக்கள் ஆயுதம். இந்த இரண்டையும் செயல்படுத்துவது உங்கள் அரசின் வரலாற்று கடமை.

6 : இறுதியாக 

மாண்புமிகு மக்கள் இயக்கம் மக்களுக்கான சட்ட உரிமைகளை முறையாக செயல்படுத்த இடைவிடாமல் போராடி வருகிறது. தாங்கள் தலைமை வகிக்கும் இச் சட்டமன்ற ஆட்சியில் உள்ளாட்சி அமைப்பை சரியான வகையில் கட்டமைக்கவும், சட்ட பிரிவுகள் கட்டாயமாக அமல்படுத்தவும், மக்களோடு சேர்ந்து பேசக்கூடிய விதமாக உள்ளாட்சி அமைப்புகளை உருவாக்கவும் முனைவீர்கள் என நம்புகிறோம்.

இவ்வியக்கத்தின் இரண்டு முக்கிய கோரிக்கைகளான: (1) ஏரியா சபை / வார்டு கமிட்டி கூட்டங்கள் அரசு நிர்ணயித்த தேதிகளில் சட்டப்படி முறையாக நடத்தப்பட வேண்டும் என்றும் , (2) உள்ளாட்சி ஓம்புட்ஸ்மன் வலுப்படுத்தப்பட்டு உடனடியாக செயல்படவேண்டும் என்றும்  — தங்கள் தலைமையில் நடைபெறும் அரசிடம்   மாண்புமிகு மக்கள் இயக்கம் சார்பாக நாங்கள் உரிமையுடன் சமர்ப்பிக்கின்றோம்.

நன்றி,
மாண்புமிகு இந்திய குடியரசர்

Copy To:

நகல் :
1.	மேதகு ஆளுநர் அவர்கள், லோக் பவன், சென்னை.
2.	மாண்புமிகு அமைச்சர் அவர்கள், தமிழ்நாடு நகர நிர்வாக மற்றும் நீர்வள துறை. (minister_mard@tn.gov.in)
3.	இயக்குநர் அவர்கள், நகர நிர்வாக இயக்ககம், தமிழ்நாடு அரசு, சென்னை. (cma.tncma@nic.in)
4.	இயக்குநர் அவர்கள், நகரப் பஞ்சாயத்து இயக்ககம், தமிழ்நாடு அரசு, சென்னை. ( dtp.tn@nic.in)
5.      உள்ளாட்சி முறைமன்ற நடுவர் , சென்னை.  (ombudsmanlocal@tn.gov.in)
6.      செயலாளர்,தமிழ்நாடு நகராட்சி நிர்வாகம் மற்றும் குடிநீர் வழங்கல் துறை (mawssec@tn.gov.in)

⚠️ குறிப்பு: Send Mail கொடுத்தவுடன் உங்கள் Gmail ஆப் தானாக திறக்கும். அதில் Send (அம்பு குறி) கிளிக் செய்து மின்னஞ்சலை அனுப்பவும்.

உள்நுழையவும்

Login Successful!