மாண்புமிகு முதல்வர் அவர்களின் தனி கவனத்திற்கு - தங்களது தேர்தல் அறிக்கையில் உத்திரவாதம் அளித்தபடி , நிதிச்சுமை ஏதுமின்றி , 'சேவை உரிமை சட்டம்' (Right to Service Act) மற்றும் "தகவல் அளிப்போர் பாதுகாப்புச் சட்டம்" (State Whistleblower Protection Act) ஆகிய இரண்டையும் முதல் சட்டமன்றக் கூட்டத்தொடரில் நிறைவேற்றக் கோரிக்கை.

பதிவுகளை சரிபார்த்து அனுப்பவும்

👤 உங்கள் விவரங்கள் (Your Details)

பெயர் (Name): *

முழு முகவரி (Full Address): *

மின்னஞ்சல் (Email): *

மாண்புமிகு மக்கள் தன்னார்வலர் எண் (Volunteer ID):

தொடர்பு எண் (Phone Number): *

To (பெறுநர் Email):

CC :

BCC :

To Address (பெறுநர் முகவரி):

கடமைதாரர் :
திரு C. ஜோசப் விஜய்,
மாண்புமிகு மக்கள் பணியாளர் மற்றும்  தமிழக முதலமைச்சர் அவர்கள், தமிழ்நாடு அரசு,  சென்னை - 600 009.

Subject (பொருள்):

 மாண்புமிகு முதல்வர் அவர்களின் தனி கவனத்திற்கு -  தாங்கள் ஏற்றுக்கொண்டுள்ள பணி சிறக்க வாழ்த்துக்கள்   — தங்களது தேர்தல் அறிக்கையில் உத்திரவாதம் அளித்தபடி   'சேவை உரிமை சட்டம்' (Right to Service Act) மற்றும் "தகவல் அளிப்போர் பாதுகாப்புச் சட்டம்" (State Whistleblower Protection Act) ஆகிய இரண்டையும் முதல் சட்டமன்றக் கூட்டத்தொடரில் நிறைவேற்றக் கோரிக்கை. 280

Message Body (செய்தி):

பார்வை : 2026 தமிழ்நாடு சட்டமன்றத் தேர்தலில் போது , தமிழக வெற்றிக்கழகம் சார்பில் வெளியிட்டுள்ள  தேர்தல் அறிக்கை.

மாண்புமிகு முதலமைச்சர் அவர்களே வணக்கம்.

தமிழ்நாட்டு மக்களின் நெஞ்சங்களில் இடம்பெற்று, ஏராளமான சவால்களை தைரியமாக எதிர்கொண்டு, தமிழ்நாட்டின் மாண்புமிகு முதலமைச்சராக பதவியேற்றுக்கொண்ட தங்களுக்கும் , சக அமைச்சர்களுக்கும், பேரவை உறுப்பினர்களுக்கும்  மாண்புமிகு மக்கள் இயக்கத்தின்   சார்பில் மகிழ்ச்சியையும், பாராட்டுகளையும்,  இனிய   நல்வாழ்த்துக்களையும் தெரிவித்துக்கொள்கிறோம்.
கடந்த 60 ஆண்டுகளுக்கு மேலாக தமிழ்நாட்டில் நிலவிய அரசியல் சூழலை மாற்றி, மாற்று சிந்தனை கொண்ட ஒரு  அரசியல் கட்சியைச் சேர்ந்த தலைவரை தமிழக மக்கள் தங்கள் முதலமைச்சராக ஏற்றுக்கொண்டிருப்பது வரலாற்று முக்கியத்துவம் வாய்ந்த மாற்றமாக பார்க்கிறோம். அரசு அமைப்பதில் ஏற்பட்ட பல்வேறு சவால்களையும் திறம்பட கையாண்டு , மக்கள் நம்பிக்கையை நிலைநிறுத்தி முதலமைச்சர் பதவியேற்றது அனைத்து தமிழர்கள் மனதிலும் நம்பிக்கையை ஏற்படுத்தியுள்ளது.
பதவியேற்ற பின்னர் தாங்கள் ஆற்றிய முதல் உரையில், அரசு கஜானா காலியாக உள்ளது என்றும், மாநிலம் கடும் கடன் சுமையில் உழல்கிறது என்றும் மக்களிடம் நேர்மையாக வெளிப்படுத்தியுள்ளீர்கள் . இது குறித்த வெள்ளை அறிக்கையை (White Paper) மக்கள் முன் வைக்கவும், தேர்தல் வாக்குறுதிகளை படிப்படியாக  நிறைவேற்றுவோம் என்றும் மக்களிடம்  சற்று பொறுமை காக்கும்படியும் கோரியுள்ளீர்கள் . இந்த நேர்மையான மற்றும் வெளிப்படையான அணுகுமுறையை மாண்புமிகு மக்கள் இயக்கம் வரவேற்கிறது. 
பெண்கள் பாதுகாப்பை உறுதிசெய்யும் வகையிலும், இளைஞர்களை போதை கலாச்சாரத்தில் இருந்து மீட்டெடுக்கும் வகையிலும், சாமானிய மக்களின்  அன்றாட நிதிச்சுமையில் இருந்து மீட்டெடுக்கும்  நோக்கில் 200 யூனிட் இலவச மின்சாரம் வழங்குவதற்கும் தாங்கள் ஒப்புதல் அளித்த முதல் மூன்று கையெழுத்துக்கள் பாராட்டுக்குரியது. 
இந்நிலையில், தாங்களது தேர்தல் அறிக்கையில் உறுதியளிக்கப்பட்டதும், அரசுக்கு எந்தவிதமான நிதிச்சுமையும் ஏற்படுத்தாததும் ஆன இரண்டு முக்கியமான சட்டங்களை நடைமுறைப்படுத்த மாண்புமிகு மக்கள் இயக்கம் சார்பில் பொறுப்பான குடிமக்கள் என்ற முறையில் எங்களது கோரிக்கையை உரிமையுடன் தங்கள் முன்பாக வைக்கின்றோம்.

கோரிக்கை - 1: சேவை உரிமை சட்டம் (Right to Service Act)

சேவை உரிமை சட்டம் என்பது குடிமக்களுக்கு அரசு சேவைகளை குறிப்பிட்ட காலகட்டத்திற்குள் வழங்க அரசு அலுவலர்களை கட்டாயப்படுத்தும் சட்டமாகும்.  இச்சட்டம் ஏற்கனவே பல்வேறு மாநிலங்களில் நடைமுறையில் உள்ளது.  இதனால் பின்வரும் பலன்கள் கிடைக்கும்:

1.  அரசு அலுவலர்களின் பொறுப்புணர்வு (Accountability) அதிகரிக்கும்.
2.  மக்களுக்கான சேவை வழங்கலில் தாமதம் குறையும்.
3.  ஊழல் மற்றும் அதிகாரத் துஷ்பிரயோகம்  வெகுவாகக் குறையும்.
4.  சாமானிய மக்கள் அரசு அலுவலகங்களில் அலையும் அவலம் முடிவுக்கு வரும்.
5.  அரசு கஜானாவில் எந்தவிதமான கூடுதல் நிதிச்செலவும் தேவையில்லை.

எனவே, தாங்கள் அடுத்து கூட்டப்படும் தமிழ்நாடு சட்டமன்றத்தின் முதல் கூட்டத்தொடரிலேயே 'சேவை உரிமை சட்டம்' (Right to Service Act) என்ற மசோதாவை தாக்கல் செய்து நிறைவேற்ற வேண்டும் என்று மாண்புமிகு மக்கள் இயக்கம் சார்பில் மிகவும் உரிமையுடன்  வேண்டுகிறோம்.


கோரிக்கை - 2:  தகவல் அளிப்போர்  பாதுகாப்பு சட்டம் (State Whistle blower Protection Act)

ஊழலுக்கு எதிராக போராடும் சமூக ஆர்வலர்கள் மற்றும்  தகவல் அளிப்பவர்கள் / நுண்ணறிவாளர்களை (Whistle blowers) பாதுகாக்கும் வகையில் தாங்களது தேர்தல் அறிக்கையில் 'அரசு தகவல் அளிப்போர்  பாதுகாப்பு சட்டம்' (State Whistle blower Protection Act) கொண்டுவருவதாக உறுதியளித்திருந்தீர்கள். இந்த சட்டமும் அரசுக்கு எந்தவிதமான நிதிச்சுமையும் ஏற்படுத்தாத ஒன்றாகும். இந்த சட்டம் தேவைப்படுவதற்கான காரணங்கள் பின்வருமாறு:

1.  ஊழலை அம்பலப்படுத்தும் தைரியமான குடிமக்கள் மற்றும் அரசு ஊழியர்களுக்கு சட்டபூர்வமான பாதுகாப்பு கிடைக்கும்.
2.  ஊழல் அம்பலப்படுத்தியதற்காக பழிவாங்கும் நடவடிக்கைகளில் இருந்து தகவல் வழங்குபவர்கள் / நுண்ணறிவாளர்கள் பாதுகாக்கப்படுவார்கள்.
3.  RTI (தகவல் அறியும் உரிமை) மற்றும் புகார் மனு வழிமுறைகளை பயன்படுத்தும் சமூக ஆர்வலர்கள் துணிவுடன் செயலாற்றுவார்கள்.
4.  அரசு அதிகாரிகளும் அரசியல்வாதிகளும் ஊழல் செய்வதற்கு முன்பு பலமுறை யோசிப்பார்கள்., ஏனென்றால்  அவர்கள் அம்பலப்படுத்தப்படுவார்கள் என்ற அச்சம்  அவர்கள் மனதில் நிலவும்.
5.  இந்த சட்டத்தை நடைமுறைப்படுத்த அரசுக்கு கூடுதல் நிதிச்செலவு எதுவும் தேவையில்லை.

எனவே, 'சேவை உரிமை சட்டம்' இத்துடன்  சேர்த்து 'அரசு தகவல் அளிப்பவர்கள்  பாதுகாப்பு சட்டம்' (State Whistle blower Protection Act) என்ற மசோதாவையும் தமிழ்நாடு சட்டமன்றத்தின் முதல் கூட்டத்தொடரிலேயே தாக்கல் செய்து நிறைவேற்ற வேண்டும் என்று மாண்புமிகு மக்கள் இயக்கம் சார்பில் உரிமையுடன்  வேண்டுகிறோம்.

இதன் மூலம் தாங்கள் மக்களுக்கு கொடுத்த தேர்தல் வாக்குறுதிகளை வெறும் காகிதத்தில் மட்டுமல்ல, செயல்வடிவில் நிறைவேற்றுகிறீர்கள் என்பதை நிரூபிக்க முடியும். இந்த இரண்டு சட்டங்களும் — சேவை உரிமை சட்டம் மற்றும் அரசு தகவல் அளிப்போர்  பாதுகாப்பு சட்டம் — நிதிச்சுமையற்றவை; ஆனால் மக்களுக்கு அளிக்கும் நன்மை மகத்தானது. புதிய அரசின் மீது மக்களுக்கு நம்பிக்கை ஏற்படுத்தி, வெளிப்படையான மற்றும் பொறுப்புணர்வுள்ள ஆட்சியின் தொடக்கமாக இந்த நடவடிக்கை அமையும் என்று நம்புகிறோம்.

மாண்புமிகு மக்கள் இயக்கம் பற்றி மேலும் அறிய www.maanbumigumakkal.com என்ற இணைய தளத்தை பார்வையிடலாம்.

தங்கள் மீதுள்ள நம்பிக்கையுடன்,
மாண்புமிகு தமிழக மக்கள் .

Copy To:

நகல் :
மேதகு ஆளுநர் ,
லோக் பவன் , சென்னை.

⚠️ குறிப்பு: Send Mail கொடுத்தவுடன் உங்கள் Gmail ஆப் தானாக திறக்கும். அதில் Send (அம்பு குறி) கிளிக் செய்து மின்னஞ்சலை அனுப்பவும்.

உள்நுழையவும்

Login Successful!