காவல் துறை தலைவர் அலுவலகத்தில், பொது தகவல் அலுவலராக பணிபுரியும் திரு M. ஆதிமூலம் IPS, AIGP அவர்களின் கடமை மீறல் — புகார் மனு

பதிவுகளை சரிபார்த்து அனுப்பவும்

👤 உங்கள் விவரங்கள் (Your Details)

பெயர் (Name): *

முழு முகவரி (Full Address): *

மின்னஞ்சல் (Email): *

மாண்புமிகு மக்கள் தன்னார்வலர் எண் (Volunteer ID):

தொடர்பு எண் (Phone Number): *

To (பெறுநர் Email):

CC :

BCC :

To Address (பெறுநர் முகவரி):

கடமையாளர்:
மதிப்பிற்குரிய மக்கள் பணியாளர் திரு. சந்தீப்ராய் ரத்தோர் IPS,
காவல் துறை தலைவர் (Director General of Police),
தமிழ்நாடு காவல் துறை தலைமையகம்,  சென்னை – 4

Subject (பொருள்):

Message Body (செய்தி):

பார்வை: (அனைத்தும் தங்கள் பொது தகவல் அலுவலரின் அலுவலக கோப்பில் உள்ளது; மேலும் அனைத்து ஆவணங்களும் மின்னணு வடிவில் தங்களது கணினியில் உள்ளது)
1. தங்கள் அலுவலகம் சார்ந்த RTI மனு ZXTOE/R/2026/60046, நாள் 03.02.2026.
2. முதல் மேல்முறையீட்டு மனு ZXTOE/A/2026/60009, நாள் 09.03.2026.
3. 3.2.2026 அன்று, மனுதாரர் RTI மனுவை இணையவழியாக சமர்ப்பித்த அதே நாளில், ஒப்புகைச் சீட்டில் குறிப்பிட்டுள்ள caochiefoffice@gmail.com மற்றும் dgp@tn.gov.in ஆகிய முகவரிகளுக்கும் இணையவழி RTI மனுவின் நகலை முன்னெச்சரிக்கையாக அனுப்பிய மின்னஞ்சல்.
4. மூன்று மாதங்கள் கழிந்த நிலையில், காலதாமதமான PIO-வின் பொறுப்பற்ற , நகைப்பிற்குரிய பதில் கடிதம் K.Dis.No.A-60 RTI 2(2)/172/2026, நாள் 27.04.2026.
5. தமிழக தகவல் ஆணையத்தில் சமர்ப்பிக்கப்பட்டுள்ள இரண்டாம் மேல்முறையீடு OL2026CBE012919, நாள் 11.04.2026.
6. அலுவலக பணிக்கு அரசால் அங்கீகரிக்கப்பட்ட மின்னஞ்சல் முகவரியை மட்டுமே பயன்படுத்தவேண்டும் என்ற காவல் துறை தலைவர் அவர்களின் சுற்றறிக்கை கடிதம் C.No. D-X/4063/SCRB/2016, நாள் 03.06.2016.
மக்கள் பணியாளர் ,  மதிப்பிற்குரிய காவல் துறை தலைவர் அவர்களுக்கு வணக்கங்கள்,

மாண்புமிகு மக்கள் இயக்கமானது — தமிழ்நாட்டில் நிர்வாக வெளிப்படைத்தன்மையையும் பொறுப்புணர்வையும் நிலைநாட்ட உழைக்கும் ஓர் அரசியல் நடுநிலையான குடியரசர்களின்  இயக்கம் —   காவல் துறையில்  RTI சட்டம் 2005-ன் கடமைகளை மீறி பொறுப்பற்ற முறையில் செயல்படும் ஒரு காவல் உயர் அதிகாரி திரு M . ஆதிமூலம் IPS , AIGP மற்றும் பொதுத்தகவல்   அலுவலர் மீதான இந்த புகாரை உங்கள் கவனத்திற்கு வைக்கின்றோம்.

புகாரின் உண்மைத்தன்மை:
1. தகவல் அறியும் உரிமை சட்ட மனுக்களை மின்னணு வாயிலாக கையாள்வதற்கு தமிழக அரசு rtionline.tn.gov.in என்ற இணைய தளத்தை அறிமுகப்படுத்தி செயல்படுத்தி வருவது அனைவரும் அறிந்ததே. 03.02.2026 அன்று காவல் துறை தலைமையகத்தின் பொது தகவல் அலுவலரிடம் காவல் துறையில் நடைபெறும் சில முறைகேடுகள் குறித்தும், விதி மீறல்கள் குறித்தும் சில தகவல்களை கேட்டு இணைய வழியாக ZXTOE/R/2026/60046 என்ற மனு சமர்ப்பிக்கப்பட்டுள்ளது.
2. மேற்கண்ட RTI மனுவை இணைய வழியாக பெற்றதற்கான ஒப்புகைச் சீட்டு, மனுதாரரரின் மின்னஞ்சல் முகவரிக்கு rtisupport@tn.gov.in என்ற மின்னஞ்சல் முகவரியிலிருந்து பெறப்பட்டுள்ளது.
3. மனுதாரர் அவர்களால் RTI மனுவை இணைய வழியாக சமர்ப்பித்த அன்றே (03.02.2026), ஒப்புகைச் சீட்டில் கண்ட caochiefoffice@gmail.com மற்றும் dgp@tn.gov.in ஆகிய முகவரிகளுக்கும் இந்த இணையவழி RTI மனுவின் நகல் முன்னெச்சரிக்கையாக அனுப்பப்பட்டுள்ளது.
4. RTI சட்டம் 2005-ல் பிரிவு 7(1)-ன்படி 30 நாட்களுக்குள் தகவல் வழங்கப்படவேண்டும். எந்தவிதமான பதிலும் வராத நிலையில், மனுதாரர் 09.03.2026 அன்று ZXTOE/A/2026/60009 என்ற முதல் மேல்முறையீட்டு மனுவையும் தாக்கல் செய்துள்ளார். தங்கள் அலுவலகத்தில் பணிபுரியும் மேல்முறையீட்டு அலுவலரும் இதை பற்றி கண்டுகொள்ளவில்லை. ஆக தங்கள் அலுவலகத்தில் பணிபுரியும் பொது தகவல் அலுவலரும் மேல்முறையீட்டு அலுவலரும் தங்கள் கடமையிலிருந்து தவறியுள்ளனர்.
5. கோரிய தகவல் கிடைக்காத நிலையில், மனுதாரர் தமிழக தகவல் ஆணையத்தில் தகவல் வழங்க உத்தரவிடக் கோரியும், தகவல் வழங்க மறுத்த பொதுத்தகவல் அலுவலர் மீது சட்டப்படி நாளொன்றுக்கு ரூபாய் 250/- தண்டம் விதிக்கவும், கடமையை செய்ய தவறிய குற்றத்திற்காக துறை ரீதியான நடவடிக்கைக்கு பரிந்துரை செய்யக் கோரியும், தகவல் ஆணையத்தில் 11.04.2026 அன்று OL2026CBE012919 என்ற இணையவழி மனுவின் வாயிலாக இரண்டாம் மேல்முறையீடு செய்துள்ளார்.
6. இந்த சூழ்நிலையில், 27.04.2026 அன்று — அதாவது மனு சமர்ப்பித்த 83 நாட்களுக்குப் பிறகு — PIO திரு. M. ஆதிமூலம் அவர்கள் K.Dis.No.A-60 RTI 2(2)/172/2026 என்ற கடிதத்தின் வாயிலாக ஒரு சட்டபூர்வமற்ற மற்றும் பொறுப்பற்ற பதில் கடிதத்தை இணையத்தில் திவேற்றம் செய்துள்ளார். அதாவது, "இந்த RTI மனு எந்த மின்னஞ்சல் முகவரியிலிருந்து அனுப்பப்பட்டது என்று தெரியவில்லை, அதை தெரிவிக்கவும்" என்று கூறியிருக்கிறார்கள்.
7. தமிழ்நாடு RTI Online Portal (rtionline.tn.gov.in) என்பது அரசே நடத்தும் முறையான மின்னணுத் தளம். இந்தத் தளத்தில் சமர்ப்பிக்கப்படும் ஒவ்வொரு மனுவிலும் விண்ணப்பதாரரின் மின்னஞ்சல் உட்பட அனைத்து விவரங்களும் தெளிவாக பதிவு செய்யப்பட்டிருக்கும். RTI Application No. ZXTOE/R/2026/60046, PIO பெற்றதற்கான ஒப்புகை மனுதாரருக்கு வழங்கப்பட்டுள்ளது.
8. "மின்னஞ்சல் தெரியவில்லை" என்று IPS தரத்தில் இருக்கும் ஒரு AIGP மற்றும் PIO கூறுவது — சட்டத்தை அறியாமல் இல்லை; தவறு செய்த கீழ்மட்ட ஊழியர்களை தப்பிக்க வைப்பதற்காக திட்டமிட்டு செய்யப்பட்ட காலதாமதம் என்பது வெளிப்படையாக தெரிகிறது.

சட்ட மீறல்கள்:
தங்கள் பொது தகவல் அலுவலரும், முதல் மேல்முறையீட்டு அலுவலரும் கீழ்கண்ட சட்ட மீறல்களில் ஈடுபட்டுள்ளனர்:
1. RTI சட்டம் பிரிவு 7(1) — 30 நாட்களுக்குள் PIO பதில் அளிக்கத் தவறியதால், தகவல் வழங்க மறுத்ததாக கருதப்படுகிறது.
2. RTI சட்டம் பிரிவு 19(1) — முதல் மேல்முறையீட்டு அலுவலரும் தங்கள் கடமையிலிருந்து தவறி, மேல்முறையீட்டு மனுவை உதாசீனப்படுத்தியுள்ளார்.
3. RTI சட்டம் பிரிவு 20(1) — நியாயமான காரணமின்றி தகவல் வழங்க மறுத்தது; தண்டனை விதிக்கத்தக்க குற்றம்.
4. தமிழ்நாடு தகவல் ஆணையம் மற்றும் மனித வள மேலாண்மைத் துறையின் வழிகாட்டுதலின்படி, PIO தனது பெயர், தொடர்பு எண், மின்னஞ்சல் முகவரி ஆகியவற்றை தனது பதிலில் வழங்கத் தவறியுள்ளார்.
5. காவல் துறை தலைவர் அவர்களின் சுற்றறிக்கை கடிதம் C.No. D-X/4063/SCRB/2016, நாள் 03.06.2016-ல் குறிப்பிட்டுள்ளபடி, அரசு பணிக்கு அரசால் அங்கீகரிக்கப்பட்ட மின்னஞ்சல் முகவரியை மட்டுமே பயன்படுத்தவேண்டும். ஆனால் caochiefoffice@gmail.com என்ற தனியார் மின்னஞ்சல் முகவரியை அரசின் அதிகாரபூர்வமான இணையதளமான rtionline.tn.gov.in-ல் பதிவு செய்து பயன்படுத்தியிருப்பது இக்கட்டளைக்கு முற்றிலும் முரணான செயல். அரசு தரவுகளை பாதுகாப்பின்மையில் வைக்கும் இச்செயல் தண்டிக்கப்படக்கூடிய குற்றமாகும்.

வேண்டுகோள்:
மதிப்பிற்குரிய காவல் துறை தலைவர் அவர்களிடம்,  மாண்புமிகு இந்திய குடியரசராகிய நான் , அரசமைப்பு சட்டத்திற்குட்பட்டு   கீழ்கண்ட நடவடிக்கைகளை எடுக்கக்கோரி வலியுறுத்துகிறேன்.:
1. திரு. M. ஆதிமூலம், AIGP மற்றும் PIO அவர்களுக்கு எதிராக RTI சட்டம் பிரிவு 20(1) மற்றும் 20(2)-ன்கீழ் உரிய துறை ரீதியான நடவடிக்கை எடுக்கவேண்டும்.
2. முதல் மேல்முறையீட்டு அலுவலரும் செயல்படாமல் தனது கடமையிலிருந்து தவறியதற்கு விளக்கம் கேட்கவேண்டும்.
3. மனுதாரர் கோரிய 13 இனங்கள் கொண்ட தகவல்களை RTI சட்டம் பிரிவு 19(8)(b)-ன்படி இலவசமாக உடனடியாக வழங்க ஆணை பிறப்பிக்கவேண்டும்.
4. காவல் துறையில் உள்ள அனைத்து PIO-களுக்கும் RTI சட்ட நடைமுறைகளில் உரிய பயிற்சி அளிக்கவேண்டும்.
5. அரசு பணிக்கு அரசால் அங்கீகரிக்கப்பட்ட மின்னஞ்சல் முகவரிகளை மட்டுமே அனைத்து PIO-களும் அரசுஇணையதளங்களில் பதிவு செய்வதை உறுதி செய்யவேண்டும்.
6. தங்கள் அலுவலகத்தில் உரிய நடவடிக்கை எடுக்கத் தவறும் நேர்வில், இந்தப் புகாரை மத்திய உள்துறைக்கும், மத்திய பணியாளர் நல துறைக்கும் உரிய நடவடிக்கை கோரி எங்கள் இயக்கத்தின் சார்பாக எடுத்துச் செல்லப்படும் என்பதை தெரிவிக்கிறோம்.

தகவல் அறியும் உரிமை என்பது இந்திய அரசியல் சாசனம் அளித்த அடிப்படை உரிமை. பொறுப்பான IPS அதிகாரியே PIO-வாக இருந்தும், "மின்னஞ்சல் தெரியவில்லை" என்று சாக்குப்போக்கு கூறுவது — குடிமக்களை அவமதிப்பதற்கு சமம். இதை மாண்புமிகு மக்கள் இயக்கம்    அமைதியாக கடந்து போக விரும்பவில்லை.

தங்கள் கடமையை சரிவர செய்வீர்கள் என்ற நம்பிக்கையில்,
மாண்புமிகு இந்திய குடியரசர்

Copy To:

⚠️ குறிப்பு: Send Mail கொடுத்தவுடன் உங்கள் Gmail ஆப் தானாக திறக்கும். அதில் Send (அம்பு குறி) கிளிக் செய்து மின்னஞ்சலை அனுப்பவும்.

உள்நுழையவும்

Login Successful!