தகவல் அறியும் உரிமைச்சட்டத்தின் பெருமை மிகு பிரிவான 4(1)(b) - தாமாக முன்வந்து தகவல்களை வெளியிடுதல் - இது குறித்தான மூன்றாம் தரப்பினரின் ஆய்வு - மத்திய அரசின் வழிகாட்டு நெறிமுறைகளை அலட்சியம் செய்யும் தமிழக அரசு அலுவலகங்கள் - உரிய நடவடிக்கை கோரி சமர்ப்பிக்கப்படும் குறைகளைவு மனு.

பதிவுகளை சரிபார்த்து அனுப்பவும்

👤 உங்கள் விவரங்கள் (Your Details)

பெயர் (Name): *

முழு முகவரி (Full Address): *

மின்னஞ்சல் (Email): *

மாண்புமிகு மக்கள் தன்னார்வலர் எண் (Volunteer ID):

தொடர்பு எண் (Phone Number): *

To (பெறுநர் Email):

CC :

BCC :

To Address (பெறுநர் முகவரி):

கடமைதாரர் : மக்கள் பணியாளர்கள் :
1. மாண்புமிகு இந்தியப் பிரதமர் அவர்கள்,
    பிரதமர் அலுவலகம்,   புது தில்லி – 110 011
2. மேதகு  தமிழ்நாடு ஆளுநர் அவர்கள்,
    ராஜ் பவன், சென்னை – 600 022.
3. மாண்புமிகு  மாநில தலைமை தகவல் ஆணையர் அவர்கள்,
    தமிழ்நாடு மாநில தகவல் ஆணையம், சென்னை.
4. மதிப்புமிகு தமிழ்நாடு அரசின் தலைமைச் செயலாளர் ,
    செயலகம்,  செயின்ட் ஜார்ஜ் கோட்டை , சென்னை – 600 009.
5. மதிப்புமிகு மனித வள மேலாண்மைத் துறை செயலாளர் ,
    தமிழ்நாடு அரசு, சென்னை – 600 009.
5. மதிப்புமிகு பணியாளர் மற்றும் பயிற்சித் துறை (DoPT) செயலாளர்  ,
    பணியாளர், மக்கள் குறைதீர்வு மற்றும் ஓய்வூதியம் அமைச்சகம், நார்த் பிளாக், புது தில்லி – 110 001.
6.  மாண்புமிகு  உச்ச நீதிமன்றத்தின் பதிவாளர் அவர்கள்   , புது தில்லி – 110 001.
7. மாண்புமிகு சென்னை உயர் நீதிமன்றத்தின் பதிவாளர் அவர்கள் ,
    உயர் நீதிமன்ற வளாகம், சென்னை – 600 104.

Subject (பொருள்):

Message Body (செய்தி):

பார்வை : தகவல் அறியும் உரிமைச் சட்டம் 2005 — பிரிவு 4(1)(b) ன் கீழ் தாமாக முன்வந்து வெளியிடவேண்டிய தகவல்கள் குறித்தான   DoPT அலுவலக குறிப்பாணை எண். 1/34/2013-IR(PL) நாள் 20.09.2022; RTI சட்டம் பிரிவு 19(8) மற்றும் 20;  SLP(C) எண். 32768-32769/2010 (உச்ச நீதிமன்றம்).

மாண்புமிகு மக்கள் பணியாளர்களே வணக்கம்,

மாண்புமிகு மக்கள் இயக்கம்  வெளிப்படையான, பொறுப்புணர்வுமிக்க மற்றும் மக்களுக்கு பதிலளிக்கக்கூடிய ஆட்சியை மேம்படுத்துவதற்காகவும், தகவல் அறியும் உரிமைச் சட்டம் 2005 ஐ முழுமையாக நடைமுறைப்படுத்துவதற்காகவும் இயங்கும் ஒரு மக்கள் இயக்கம். தகவல் அறிந்த குடிமகன் ஒரு உயிரோட்டமான ஜனநாயகத்தின் அடிப்படை கூறு என்று நாங்கள்  உறுதியாக நம்புகிறோம். RTI சட்டத்தின்,முதுகெலும்பாக கருதப்படும் தாமாக முன்வந்து வெளியிடவேண்டிய ,  சுய விருப்பத் தகவல் வெளியீட்டு (Suo Motu Voluntary Disclosure) விதிகள், குடிமக்கள் தனிப்பட்ட RTI மனுக்கள் தாக்கல் செய்யாமலேயே அரசு தகவல்களை பெறுவதற்கு உதவும் மிகவும் சக்திவாய்ந்த சட்ட ஆயுதங்களில் ஒன்றாகும்.

இந்த உயரிய நோக்கத்திலிருந்தும், பொது கடமை உணர்விலிருந்தும் , தமிழ்நாட்டில் உள்ள ஏராளமான பொது தகவல் அலுவலர்கள் தகவல் அறியும் உரிமைச் சட்டம் 2005 — பிரிவு 4(1)(b) ன் கீழான கட்டாய கடமைகளை நிறைவேற்றத் தவறியதை தங்களின் மேலானான்  கவனத்திற்கு கொண்டு வருகிறோம்.

II. சட்ட கட்டமைப்பு — பிரிவு 4(1)(b) இன் கட்டாய கடமை.

தகவல் அறியும் உரிமைச் சட்டம் 2005 — பிரிவு 4(1)(b), ஒவ்வொரு பொது அதிகார அமைப்பும்  தனது அதிகாரப்பூர்வ இணையதளத்திலும், வெளியீடுகளிலும் 17 குறிப்பிட்ட வகை தகவல்களை சுயமாக வெளியிட வேண்டும் என்ற தெளிவான, சந்தேகமற்ற மற்றும் மீற முடியாத சட்டப்பூர்வ கடமையை விளக்குகிறது.

•  அமைப்பின் விவரங்கள், செயல்பாடுகள் மற்றும் கடமைகள்;
•  அதிகாரிகள் மற்றும் ஊழியர்களின் அதிகாரங்கள் மற்றும் கடமைகள்;
•  முடிவெடுக்கும் நடைமுறை மற்றும் மேற்பார்வை சேனல்கள்;
•  அதிகாரிகள், பணியாளர்களின் அடைவு மற்றும் மாதாந்திர ஊதிய விவரங்கள்;
•  ஒதுக்கீடு செய்யப்பட்ட பட்ஜெட் மற்றும் செலவினங்களின் திட்டங்கள்;
•  சலுகைகள், அனுமதிகள் மற்றும் அங்கீகாரங்கள் பெற்றவர்களின் விவரங்கள்;
•  மின்னணு வடிவில் கிடைக்கும் தகவல்களின் விவரங்கள்.

இந்த வெளியீடு பொது அதிகார அமைப்பின் விருப்பத்திற்காகவோ, பொது  தகவல் அலுவலரின்  விருப்பத்தின்பேரிலோ  செய்யப்படும் பணி அல்ல.  இது கட்டாயமான சட்டக் கடமை. பிரிவு 4(1)(b) "shall" என்ற சொல்லை பயன்படுத்துகிறது — மறுப்புக்கு எந்த இடமும் இல்லை. தகவல்கள் அவ்வப்போது புதுப்பிக்கப்பட்டு வெளியிடப்பட வேண்டும்.

மேலும், இந்திய மத்திய அரசின் பணியாளர் மற்றும் பயிற்சித் துறை (DoPT), அலுவலக குறிப்பாணை எண். 1/34/2013-IR(PL) நாள் 20.09.2022 மூலம், இத்தகைய சுய விருப்பத் தகவல் வெளியீடுகளுக்கான மூன்றாம் தரப்பு தணிக்கையை கட்டாயமாக்கியுள்ளது.  மூன்றாம் தரப்பினரின் ஆய்வு அறிக்கைகள் தகவல் ஆணையங்களுக்கு சமர்ப்பிக்கப்பட வேண்டும் என்றும் வலியுறுத்தப்பட்டுள்ளது . இந்த சுற்றறிக்கை அனைத்து மாநில முதன்மை செயலர்களுக்கும் அனுப்பப்பட்டுள்ளது. இதை கடைப்பிடிப்பது அவரது விருப்பத்தின்பால் அல்ல. — சட்டப்பூர்வ கடமை.

III. தமிழ்நாட்டில் பிரிவு 4(1)(b) ன் செயல்பாடுகளில் வெளிவந்துள்ள  கசப்பான உண்மைகள்.

மாண்புமிகு மக்கள் இயக்கத்தின் RTI அடிப்படையிலான கண்காணிப்பு நடவடிக்கைகளில், தமிழ்நாட்டு அரசின் பல்வேறு நிலைகளில் உள்ள, குறிப்பாக தலைமை செயலகத்தில் உள்ள அனைத்து செயலர் அலுவலகங்களில் உள்ள  பொது தகவல் அலுவலர்களிடம்  பிரிவு 4(1)(b) ன் செயல்பாடுகள்  மற்றும் DoPT சுற்றறிக்கை நடைமுறைப்படுத்தல் குறித்து RTI மனுக்கள் தாக்கல் செய்யப்பட்டன. கிடைத்த பதில்கள் மிகவும் கவலைக்குரியவை — அவை ஒரு முறையான, ஏற்க முடியாத அரசு எந்திரத்தின் (System Failiure) தோல்வியை வெளிப்படுத்துகின்றன:
1. செயலக அளவிலான அலுவலகங்கள் உட்பட பல பொது அதிகாரிகள், DoPT அலுவலக குறிப்பாணை எண். 1/34/2013-IR(PL) நாள் 20.09.2022 "தங்கள் அலுவலகத்திற்கு கிடைக்கவில்லை" என்று திட்டவட்டமாக தகவலாக வழங்கியுள்ளனர். இந்த பதில் நம்பத்தகுந்ததல்ல — ஏனெனில் அந்த சுற்றறிக்கை   அதிகாரப்பூர்வ வழிகளில் அனைத்து மாநில முதன்மை செயலர்களுக்கும் அனுப்பப்பட்டுள்ளது.  இது வேண்டுமென்றே தகவல்களை மறைத்தலையோ அல்லது கடுமையான நிர்வாக அலட்சியத்தையோ வெளிக்காட்டுகிறது.

2. பல பொது அதிகார அமைப்புகளின் இணையதளங்களில் பிரிவு 4(1)(b) ன் கீழ் வழங்கப்பட வேண்டிய கட்டாய சுய விருப்பத் தகவல் வெளியீடுகள் — அமைப்பு கட்டமைப்பு, அதிகாரிகள் விவரங்கள், பட்ஜெட், முக்கிய முடிவுகள் — முற்றிலும் இல்லாமல் இருக்கின்றன அல்லது பெரிதும் காலாவதியான நிலையில் உள்ளன. சட்டப்படி அவ்வப்போது புதுப்பிக்கப்பட வேண்டிய தகவல்கள் புதுப்பிக்கப்படவில்லை. புதுப்பிக்கப்பட்ட தேதி எங்கும் குறிப்பிடப்படவில்லை.

3. விசாரிக்கப்பட்ட எந்த பொது அதிகார அமைப்பும் ,  DoPT சுற்றறிக்கையின்படி தங்கள் சுய விருப்பத் தகவல் வெளியீடுகளுக்கான மூன்றாம் தரப்பு தணிக்கை நடத்தியதற்கான எந்த ஆதாரமும் வழங்கவில்லை. இந்த அலுவலகங்களில் எதுவும் தமிழ்நாடு மாநில தகவல் ஆணையத்திற்கு எந்த மூன்றாம் தரப்பு தணிக்கை அறிக்கையையும் சமர்ப்பிக்கவில்லை என்று வெளிப்படையாக தகவல்களை வழங்கியுள்ளனர்.

4. சுய விருப்பத் தகவல் வெளியீட்டின் கீழ் இலவசமாக வழங்கப்பட வேண்டிய தகவல்களுக்கும் பல பொது தகவல் அலுவலர்கள் கட்டணம் கோரியுள்ளனர். இது RTI சட்டத்தின் கட்டண விலக்கு விதிகளை நேரடியாக மீறுவதாகும்.

5.   ஒரு பொது தகவல் அலுவலர் ( அரியலூர் மாவட்ட கூடுதல் காவல் கண்காணிப்பாளர் ) , அதிகாரப்பூர்வ ஆன்லைன் போர்ட்டல் மூலம் சரியாக தாக்கல் செய்யப்பட்ட RTI மனுவை,  பிரிவு 6(3)ன் கீழ் பெற்றுக்கொண்டு, மீண்டும் கட்டணம் செலுத்தும்படி கூறி திருப்பி அனுப்பியுள்ளார். இது விண்ணப்பதாரர்களின் அடிப்படை உரிமையின் நேரடி மீறல் மட்டுமல்ல, அரசு , பொது தகவல் அலுவலர்களுக்கு வழங்கவேண்டிய பயிற்சியை வழங்க தவறிவிட்டது என்பதை தெள்ளத்தெளிவாக காட்டுகிறது..

மேற்கண்ட மீறல்களை நிரூபிக்கும் பின்வரும் துறைகளின் RTI பதில்களின் நகல்கள் இத்துடன் இணைக்கப்படுகின்றன: எரிசக்தித் துறை ( கடித எண் :8556/அ த மு -1/2025, நாள் .26.11.2025), ஆதி திராவிடர் மற்றும் பழங்குடியினர் நலத்துறை (கடித எண் .12514555/த உ ச  எண் 356/அ த மு /2025 , நாள் 17.12.25 , மனித வள மேலாண்மைத் துறை( கடித எண் 97/ஆர்/2025-1, நாள் 28.10.2025) ,   குறு, சிறு, நடுத்தர தொழில் துறை (கடித எண் .  12485299/அதமு -1/2025-1, நாள் 16.11.2025)

IV. குடிமக்கள் மற்றும் அரசமைப்பு மதிப்புகள் மீதான தாக்கம்:

தகவல் அறியும் உரிமைச் சட்டம் 2005 என்பது இந்திய அரசமைப்பின் பிரிவு 19(1)(a) ன் கீழான மொழி மற்றும் கருத்துச் சுதந்திரத்தின் அடிப்படை உரிமையை நடைமுறைப்படுத்தும் சட்டமாகும் — அதில் தகவல்  அறியும் உரிமையும் அடங்கும். இந்திய உச்ச நீதிமன்றம் பல தீர்ப்புகளில் தகவல் அறியும் உரிமை ஒரு அரசமைப்பு உரிமை என்று உறுதிப்படுத்தியுள்ளது.

பிரிவு 4(1)(b) நடைமுறைப்படுத்தப்படாததால் , மாண்புமிகு  தமிழக மக்கள் பின்வரும் தீவிர இன்னல்களை சந்தித்துவருகின்றனர்.
•  பொது வெளியில்  கிடைக்க வேண்டிய தகவல்களுக்காக சாதாரண குடிமக்கள் தாங்களாகவே RTI மனு தாக்கல் செய்ய நேரத்தையும் பணத்தையும் செலவிட வேண்டி வருகிறது . தகவல்கள் மறுக்கப்பட்டு வருடக்கணக்கில் தகவல் ஆணையத்தின் விசாரணைக்காக காத்திருக்கும் இழிவான நிலை நிகழ்கிறது.
•  ஆட்சியில் நேர்மையின்மை நீடிக்கிறது — ஊழல், பொது நிதி துஷ்பிரயோகம் மற்றும் பொறுப்பற்ற முடிவெடுக்கும் செயல்கள் தொடர இது  வழிவகை செய்கிறது.
•  RTI சட்டத்தின் நோக்கமே — தகவல்களை முன்கூட்டியே மக்களுக்கு வழங்கும் ஒரு மக்கள் நலன் மையமான ஆட்சி என்ற இலக்கு தகர்க்கப்படுகிறது;
•  தணிக்கை அறிக்கைகள் ஒருபோதும் சமர்ப்பிக்கப்படாத நிலையில் மாநில தகவல் ஆணையத்தால் கண்காணிப்பு அமைப்பாக திறம்பட செயல்பட இயலவில்லை; இதனால் தகவல் ஆணையத்தின் மாண்பமை குறைந்து பொதுவெளியில் கடுமையான விமரிசனத்திற்கு உள்ளாக்கப்பட்டுள்ளது.
•  சட்டப்பூர்வ வெளியீட்டு கடமைகளை மீறுவது எந்த விளைவுமின்றி தப்பிக்கலாம் என்ற தண்டனையின்மை கலாச்சாரம் வளர்கிறது.

V. எங்கள் மனுமீதான நடவடிக்கை  வேண்டுகோள் — கோரப்படும் நிவாரணம்:

மேற்கண்ட உண்மைகள் மற்றும் சூழ்நிலைகளை கவனத்தில் கொண்டு,  சட்டத்திற்கு கீழ்ப்படியும் மாண்புமிகு மக்கள் இயக்கம் மரியாதையுடன் பின்வரும் நடவடிக்கைகளை வலியுறுத்துகிறது:

1. தாமாக முன்வந்து வழங்கவேண்டிய  தகவல் வெளியீட்டு இணக்கம் (Compliance) தொடர்பான RTI மனுக்களுக்கு தவறான, மழுப்பலான அல்லது வேண்டுமென்றே முழுமையற்ற தகவல் வழங்கிய ஒவ்வொரு பொது தகவல் அலுவலருக்கும் விளக்கம் கேட்டு  நோட்டீஸ் (Showcause notice) வழங்கவேண்டும்.  RTI சட்டம் பிரிவு 20(1) ன் கீழ் அபராதம் விதிக்கவும்; பிரிவு 20(2) ன் கீழ் துறை ரீதியிலான நடவடிக்கை மேற்கொள்ளவும், தகவல் ஆணையர்கள் தமது நியாயமான தீர்ப்புகளை வழங்கவேண்டும்.  இதுதவிர அரசு பணியை செவ்வனே செய்யாத காரணத்திற்காக நடத்தை விதிகள் பிரிவு 17(b)ன் கீழ் நடவடிக்கையை மேற்கொள்ளவேண்டும்.

2. தமிழ்நாடு அரசின் அனைத்து பொது  அதிகார அமைப்புகளும்  உடனடியாக பிரிவு 4(1)(b) ன் கீழ் முழுமையான, தாமாக முன்வந்து வெளியிடவேண்டிய தகவல்களை தங்கள் அதிகாரப்பூர்வ இணையதளங்களில் மறுஆய்வு செய்து, புதுப்பித்து,  புதுப்பித்த தேதியுடன் வெளியிட வேண்டும்.  30 நாட்களுக்குள் மாநில தகவல் ஆணையத்திற்கு இது குறித்தான  அறிக்கை சமர்ப்பிக்கவும் உத்தரவிட வேண்டும்.

3. தமிழ்நாடு மாநில தகவல் ஆணையம், தமிழ்நாட்டில் உள்ள அனைத்து பொது அதிகார அமைப்புகளிடமும் , பிரிவு 4(1)(b) செயல்பாடுகளை  சுய முன்முயற்சியுடன் ஆய்வு செய்து, மாநில அளவிலான  தணிக்கை அறிக்கையை வெளியிடவும் உத்தரவிடவேண்டும்.

4. DoPT அலுவலக குறிப்பாணை நாள் 20.09.2022 ன் படி, உடனடியாக மூன்றாம் தரப்பு தணிக்கைகள் நடத்தவும்; தணிக்கை அறிக்கைகள் தமிழ்நாடு மாநில தகவல் ஆணையத்திற்கு மேலும் தாமதமின்றி சமர்ப்பிக்கப்படுவதை உறுதிப்படுத்த வேண்டும்.

5. DoPT (மத்திய அரசு), 20.09.2022 சுற்றறிக்கை செயல்பாடுகள் தொடர்பாக தமிழ்நாட்டிற்கு ஒரு சிறப்பு ஆலோசனை / நினைவூட்டல் வழங்க வேண்டும்.
 
6. அனைத்து நீதிமன்றங்கள் மற்றும் நீதித்துறை அமைப்புகளும் RTI சட்டத்தின் கீழ் பொது அதிகார அமைப்புகளாக  உள்ளன என்பதால், அவற்றின் நிர்வாக மற்றும் நீதிமன்ற  செயல்பாடுகள்  போன்ற பொருந்தும் தகவல்களை பிரிவு 4(1)(b) ன்படி சுய விருப்பத்தோடு வெளியிடுவதை உறுதிப்படுத்த பொருத்தமான வழிகாட்டுதல்களை வழங்கவேண்டும்.

7. பிரிவு 4(1)(b) ன் கீழ் சுய விருப்பத் தகவல் அறியும் உரிமையும் RTI மனு தாக்கல் செய்யும் உரிமையும் — இரண்டும்  தகவல் அறியும் உரிமை என்ற அரசமைப்பு உரிமையின் அங்கங்கள் என்பதால் — சமன் மதிப்பு வாய்ந்தவை என்று அறிவிக்கவும்; வேண்டுமென்றே செயல்படுத்தாமை அந்த உரிமையை மீறுவதாக கருதப்படும் என்று தெளிவுபடுத்த வேண்டும்.

இந்த கவலைக்குரிய நிலைமையை ,  மக்களுக்கு பணிபுரிவதற்காக  அமர்த்தப்பட்டிருக்கும் தங்கள்  அலுவலகங்கள் உரிய கவனம் செலுத்தி, விரைவாகவும் உறுதியாகவும் நடவடிக்கை எடுக்கும் என்று முழு நம்பிக்கையுடன் இந்த குறைகளைவு மனுவை சமர்ப்பிக்கின்றோம்.  இந்த மனுவின் மீது மனித வள மேலாண்மை துறையின் 4.6.2025 தேதியிட்ட  அரசாணை நிலை எண் 25ன் படியும் , அதில்  சுட்டிக்காட்டப்பட்டுள்ள  உயர்நீதிமன்றத்தின் பரிந்துரைகளின்படியும் 30 நாட்களுக்குள் தீர்வு கண்டு எனக்கு பதில் வழங்கவேண்டும்.

தமிழ்நாட்டின் சாதாரண குடிமகன் — அரசின் நேர்மையின்மைக்கு எதிரான ஒரே ஆயுதமாக RTI சட்டம் மட்டுமே இருக்கும் நிலையில் — அரசால் இயற்றப்பட்ட  சட்டம் நிறைவேற்றப்படும் என்றும், அதை மீறுவோர் பொறுப்பேற்க வைக்கப்படுவர் என்றும் ஒரு உறுதியான, தெளிவான ஆணையை பெறுவதற்கு தகுதியுடையவர்.

இந்த விஷயத்தை முன்னெடுக்க உங்கள் அலுவலகங்களுக்கு தேவைப்படும் கூடுதல் ஆவணங்கள், சான்றுகள் அல்லது விளக்கங்களை வழங்க நாங்கள் எப்போதும் தயாராக உள்ளோம்.  இந்த குறை தீர் மனுக்கள்  மீது தங்கள் அலுவலகம் எடுத்த நடவடிக்கை குறித்து அறிந்து கொள்ள,  தகவல் அறியும் உரிமைச்சட்டத்தை பயன்படுத்தி வரும் காலங்களில் மாண்புமிகு மக்களாகிய நாங்கள் நமது அரசமைப்பு சாசனம் வழங்கியுள்ள உரிமையை பயன்படுத்துவோம் என்பதையும் தெரிவித்துக்கொள்கிறோம்.

சட்டத்தை மதிக்கும், 
தங்கள் உண்மையுள்ள,
மாண்புமிகு மக்கள் சார்பாக

Copy To:

⚠️ குறிப்பு: Send Mail கொடுத்தவுடன் உங்கள் Gmail ஆப் தானாக திறக்கும். அதில் Send (அம்பு குறி) கிளிக் செய்து மின்னஞ்சலை அனுப்பவும்.