திருமிகு . ரீட்டா ஹரிஷ் தக்கர், இ.ஆ.ப., அரசு செயலாளர், பொதுத் துறை அவர்களின் கவனத்திற்கு - அரசு ஊழியர்களின் அலுவல் மின்னஞ்சல் முகவரிகளை உள்ளடக்கிய 2026ஆம் ஆண்டிற்கான , புதிய தொலைபேசி அடைவு (Directory) வெளியிட – இந்திய குடியரசர்கள் (Indian Republicans) சார்பில் வேண்டுகோள்.

பதிவுகளை சரிபார்த்து அனுப்பவும்

👤 உங்கள் விவரங்கள் (Your Details)

பெயர் (Name): *

முழு முகவரி (Full Address): *

மின்னஞ்சல் (Email): *

மாண்புமிகு மக்கள் தன்னார்வலர் எண் (Volunteer ID):

தொடர்பு எண் (Phone Number): *

To (பெறுநர் Email):

CC :

BCC :

To Address (பெறுநர் முகவரி):

திருமிகு . ரீட்டா ஹரிஷ் தக்கர், இ.ஆ.ப.,
அரசு செயலாளர்,
பொதுத் துறை,
தலைமைச் செயலகம், சென்னை – 600 009.

Subject (பொருள்):

Message Body (செய்தி):

கடித எண்: MMM / /PUBLIC DEPT/01 -2026

பார்வை:
1.	https://www.tn.gov.in/document.php?dep_id=MjQ=&year=MjAyNS0yMDI2&cate_name=YWxs   என்ற இணையதள பக்கத்தில் ,பொதுத் துறையால் வெளியிடப்பட்ட தொலைபேசி அடைவு (Telephone Directory 2025)

2.	https://cra.tn.gov.in/contact_t.php என்ற இணைய தள பக்கத்தில் வருவாய் நிருவாக ஆணையர் அலுவலகம் பதிவேற்றம் செய்துள்ள அரசு அலுவலர்கள் தொடர்புக்கான பதிவேற்றம்.

3.	G.O.(Ms).No.12, IT (e.Gov.II) Department, நாள்: 24.09.2019 – அனைத்து அரசுத் துறைகளிலும் மின்-அலுவலகம் (e-Office) செயல்படுத்துவது குறித்த ஆணை.

4.	G.O.(D) No.29, IT(A-2) Department, நாள்: 03.11.2021 – அரசு ஊழியர்களுக்கு மின்னஞ்சல் கணக்குகள் உருவாக்குவதற்கான நிர்வாக ஒப்புதல் ஆணை.

5.	G.O.(Ms) No.05, IT & Digital Services (C2) Department, நாள்: 05.03.2024 – தலைமை அலுவலகங்களில் e-Office செயல்படுத்த நிதி ஒதுக்கீடு ஆணை.

6.	G.O.(Ms) No.21, IT & Digital Services (E2) Department, நாள்: 23.08.2024 – இணையப் பாதுகாப்புக் கொள்கை 2.0 (Cyber Security Policy 2.0) ஆணை.

7.	G.O.(Ms.) No.22, IT & Digital Services (A2) Department, நாள்: 09.09.2024 – அரசு ஊழியர்களுக்கான புதிய மின்னஞ்சல் கொள்கை ஆணை.

8.	கடித எண்.1852502/IT(C2)/2022, நாள்: 15.03.2022 – அமைச்சர்கள் மற்றும் அவர்களின் உதவியாளர்கள் அரசு மின்னஞ்சல்களை பயன்படுத்துமாறு வலியுறுத்தல்.

9.	கடித எண். 1-A2/35/IT&DS(A2)/2024, நாள்: 07.02.2025 – அலுவல் மின்னஞ்சல் கணக்குகளை மட்டுமே பயன்படுத்துமாறு வலியுறுத்திய கடிதம்.

10.	G.O.Ms.No.114, Personnel & Administrative Reforms (A) Department, நாள்: 12.09.2013 – மின்னஞ்சல் வழி புகார் மனுக்களை நிர்ணயிக்கப்பட்ட காலத்தில் தீர்வு காண வேண்டும் என்ற ஆணை.

மாண்புமிகு ஐயா / அம்மையீர்,

மேற்படி பொருள் மற்றும் பார்வைகளில் காணும் விஷயம் குறித்து மாண்புமிகு மக்கள் குழு சார்பில் தங்களுக்கு இக்கடிதம் எழுதப்படுகிறது.

1. தமிழ்நாடு அரசு, இந்திய அரசின் முன்முயற்சியை ஒட்டி, 2019 ஆம் ஆண்டு முதலே மின்-அலுவலகம் (e-Office) அமல்படுத்துவதற்கான ஆணைகளை வெளியிட்டு வருகிறது. பார்வை (3)ல் காண்பது போல, G.O.(Ms).No.12 மூலம் அனைத்து அரசுத் துறைகளிலும்  e-Office மென்பொருளை உடனடியாகச் செயல்படுத்துமாறு உத்தரவிடப்பட்டது. e-Office-ஐ திறம்பட இயக்க ஒவ்வொரு ஊழியருக்கும் அலுவல் மின்னஞ்சல் முகவரி அவசியம் என்பதால், பார்வை (4)ல் காண்பது போல, G.O.(D) No.29 மூலம் ரூ.2,90,38,000 நிதி ஒதுக்கீடு செய்யப்பட்டு அனைத்து அரசு ஊழியர்களுக்கும் "@tn.gov.in" டொமைனில் மின்னஞ்சல் கணக்குகள் உருவாக்க ஒப்புதல் வழங்கப்பட்டது. இருப்பினும் அரசு ஊழியர்கள் தங்களது அலுவலக கடமையை நிறைவேற்றுவதற்காக வழங்கப்பட்டுள்ள மின்னஞ்சல் முகவரிகளை பொதுமக்களாகிய எங்களது பார்வைக்கு  வைக்க தயங்குகின்றனர்.

2.  பார்வை (7)ல் காண்பது போல, G.O.(Ms.) No.22 மூலம் 2024 ஆம் ஆண்டு தமிழ்நாடு அரசு ஊழியர்களுக்கான புதிய மின்னஞ்சல் கொள்கை (e-Mail Policy 2024) வெளியிடப்பட்டது. இக்கொள்கையில், அரசு ஊழியர்கள் அனைத்து அலுவல் தகவல்தொடர்புகளுக்கும் "@tn.gov.in" அல்லது அரசால் அங்கீகரிக்கப்பட்ட இதர பிற மின்னஞ்சல் கணக்கை மட்டுமே பயன்படுத்த வேண்டும் என்றும், Google, Yahoo போன்ற தனியார் மின்னஞ்சல் முகவரிகளை அலுவல் காரியங்களுக்குப் பயன்படுத்துவது கொள்கை மீறல் என்றும் தெளிவாக வரையறுக்கப்பட்டுள்ளது. மேலும், பார்வை (6)ல் காண்பது போல, இணையப் பாதுகாப்புக் கொள்கை 2.0 மூலமும் இது மேலும் உறுதிப்படுத்தப்பட்டுள்ளது.  இருப்பினும், பெரும்பாலான அரசு அலுவலர்கள் இன்றளவும் GMail Yahoo போன்ற தனியார் மின்னஞ்சல்களை பயன்படுத்துவதை வழக்கமாக கொண்டுள்ளனர்.  உதாரணத்திற்கு மனித வள மேலாண்மை துறையினரால் பராமரிக்கப்படும் rtionline.tn.gov.in  என்ற இணைய தளத்தில் உள்ள அனைத்து பொது தகவல் அலுவலர்களும் @gmail.com  முகவரிகளை பயன்படுத்துவது  அரசின் கொள்கை மீறலுக்கு மனிதவள மேலாண்மைத்துறையே உடந்தையாக உள்ளதை நிரூபிக்கிறது.

3. மேற்கண்ட ஆணைகள் மற்றும் கொள்கைகளை நடைமுறைப்படுத்தியும், பல அரசு ஊழியர்கள் அலுவல் மின்னஞ்சல் கணக்குகளை பயன்படுத்தாமல் இருப்பதை தமிழ்நாட்டின் தலைமைச் செயலாளர் 2021 ஆம் ஆண்டு தனது கடிதத்தில் சுட்டிக்காட்டியுள்ளார். தொடர்ந்து, 2025 ஆம் ஆண்டு பிப்ரவரி மாதம் கூட, பார்வை (9)ல் காண்பது போல, IT & DS துறையின் கூடுதல் தலைமைச் செயலாளர் அனைத்து தலைமை அலுவலகங்களுக்கும் கடிதம் அனுப்பி, "தனியார் டொமைன் மின்னஞ்சல் முகவரிகளை அரசு வலைத்தளங்களில் இருந்து உடனடியாக நீக்க வேண்டும்" என வலியுறுத்தியுள்ளார். இது, அலுவல் மின்னஞ்சல் பயன்பாட்டில் இன்னும் குறிப்பிடத்தக்க விதிமீறல்கள்  நீடிப்பதை வெளிப்படையாக காட்டுகிறது.

4. புகார் மனுக்கள் மின்னஞ்சல் வழி ஏற்கப்பட வேண்டும் என்ற ஆணை: பார்வை (10)ல் காண்பது போல, G.O.Ms.No.114 மூலம், பொது மக்களிடமிருந்து மின்னஞ்சல் வழி வரும் புகார் மனுக்களுக்கு மூன்று நாட்களுக்குள் ஒப்புகைச் சீட்டு வழங்கி, குறித்த காலத்திற்குள்  தீர்வு காண வேண்டும் என்று அரசு ஊழியர்களுக்கு கட்டாயமாக்கப்பட்டுள்ளது. இது பொது மக்களின் மின்னஞ்சல் வழி புகார்களை தீவிரமாக நடவடிக்கை எடுக்க அரசு கட்டுப்பட்டிருக்கிறது என்பதை நிரூபிக்கிறது. இருப்பினும் இன்றளவும் மின்னஞ்சல் வாயிலாக சமர்ப்பிக்கப்படும் புகார்கள் கண்டுகொள்ளப்படுவது இல்லை என்பதே நிதர்சனமான உண்மை.

5.  இத்தகைய விரிவான கொள்கை மற்றும் ஆணைகள் இருந்தும், பொதுத் துறையால் (Public Department) சமீபத்தில் வெளியிடப்பட்ட 2025 ஆண்டு தொலைபேசி அடைவில் (Telephone Directory 2025 – பார்வை 1) எந்த ஒரு அரசு ஊழியரின் பெயருக்கு நேரே அவர்களுடைய அலுவல் மின்னஞ்சல் முகவரியும் தரப்படவில்லை என்பது மிகவும் வருத்தமான விஷயமாகும். மேலும், அந்த அடைவில் இடம்பெற்றுள்ள தொலைபேசி எண்களில் பலவும் செயல்படாத நிலையில் உள்ளன என்பதும் குறிப்பிடத்தக்கது. இதனால், பொது மக்களுக்கு குறிப்பிட்ட அரசு அலுவலர் அல்லது துறையை அணுகும் வாய்ப்பு மறுக்கப்படுகிறது.

6.  மேற்கண்ட அனைத்து அரசு ஆணைகள், கொள்கைகள் மற்றும் நடைமுறைக் குறைபாடுகளை பொதுமக்கள் சார்பில் மாண்புமிகு மக்கள் குழு தங்களின் கவனத்திற்கு கொண்டுவருகிறது. எனவே, பின்வரும் கோரிக்கைகளை தாங்கள் உற்றுநோக்கி  கீழ்கண்டவாறு தீர்வுகாண வலியுறுத்துகிறோம்.

எங்களது கோரிக்கைகளும் தீர்வுகளும்

1.	அரசின் அனைத்து ஊழியர்களின் பெயர், பதவி, அலுவலக முகவரி, செயல்படும் தொலைபேசி எண் மற்றும் அலுவல் மின்னஞ்சல் முகவரி ஆகியவற்றை கட்டாயம் உள்ளடக்கிய  2026 ஆம் ஆண்டிற்கான புதிய அரசு தொலைபேசி அடைவை  (Contact Directory) உடனடியாக  வெளியிட வேண்டும்.

2.	இந்த அடைவு அரசு வலைத்தளத்தில் (www.tn.gov.in) பொது மக்கள் தேடிப் பார்க்கும் வகையில் (Searchable) டிஜிட்டல் வடிவிலும் வெளியிடப்பட வேண்டும்.

3.	தொலைபேசி அடைவில் இடம்பெறும் தொலைபேசி எண்கள் அனைத்தும் செயல்நிலையில் இருக்கின்றனவா என்று சரிபார்க்கப்பட்ட பிறகே அடைவு வெளியிடப்பட வேண்டும்.

4.	மின்னஞ்சல் கொள்கை 2024 மற்றும் இணையப் பாதுகாப்புக் கொள்கை 2.0-இன் படி, அனைத்து அரசு அலுவலர்களும் அலுவல் மின்னஞ்சல் கணக்கை மட்டுமே அலுவல் தகவல்தொடர்புக்கு பயன்படுத்துகின்றனரா என்பதை உறுதி செய்ய வேண்டும்.

5. அரசின் கொள்கைகளுக்கு எதிராக செயல்படும் அரசு ஊழியர்களுக்கு எதிராக துறை ரீதியான நடவடிக்கைகள் எடுக்கப்படவேண்டும்.

6.	G.O.Ms.No.114 (2013)-ன் படி, மின்னஞ்சல் வழி வரும் பொது மக்களின் புகார்களுக்கு நிர்ணயிக்கப்பட்ட காலகட்டத்தில் பதில் அளிக்கப்படுகிறதா என்பதை உறுதி செய்ய வேண்டும்.

7. பார்வை 10ல் குறிப்பிடப்பட்ட அரசாணையின்படி , இந்த மின்னஞ்சல் வாயிலாக சமர்பிக்கப்பட்டுள்ள குறைகளைவு மனுவிற்கு மூன்று நாட்களுக்குள் எனக்கு ஒப்புகை சீட்டு வழங்கப்படவேண்டும்.  இக்குறைகளைவு மனு தங்கள் குறைதீர் மனு பேரேட்டில் பதியப்பட்டு 30 நாட்களுக்குள் தீர்வு காணப்படவேண்டும்.

8. பார்வை (2)ல் கண்டுள்ள வருவாய் நிருவாக ஆணையர் அலுவலகத்தால் பதிவேற்றம் செய்துள்ளபடி, ஒவ்வொரு அரசு அலுவலக இணையதளத்திலும் அரசு பணியாளர்களை தொடர்பு கொள்வதற்காக பெயர், அவர்களது நிழற்படம், பதவி, தொடர்பு  எண் மின்னஞ்சல் முகவரி ஆகியவை பதிவேற்றம் செய்வதை உறுதி செய்யவேண்டும்.

அரசியல் சாசனம்  எனக்கு  வழங்கியுள்ள உரிமையை நிலைநாட்டி , ஒரு பொறுப்புள்ள குடிமகனாக செயல்பட்டு ,  பொறுப்புணர்வுடன் கூடிய  மக்கள் பணியில் ஈடுபடும்   அரசு எந்திரத்தை உறுதிசெய்ய விரும்பும் மாண்புமிகு இந்திய குடியரசர்களில் (Indian Republican)  ஒருவர்,

Copy To:

⚠️ குறிப்பு: Send Mail கொடுத்தவுடன் உங்கள் Gmail ஆப் தானாக திறக்கும். அதில் Send (அம்பு குறி) கிளிக் செய்து மின்னஞ்சலை அனுப்பவும்.