அரசு ஊழியர்களால் , இணைய பாதுகாப்பு மற்றும் மின்னஞ்சல் கொள்கை மீறல் - உரிய நடவடிக்கை எடுக்கக்கோரி மனிதவள மேலாண்மைத்துறை செயலருக்கு புகார் மனு.

பதிவுகளை சரிபார்த்து அனுப்பவும்

👤 உங்கள் விவரங்கள் (Your Details)

பெயர் (Name): *

முழு முகவரி (Full Address): *

மின்னஞ்சல் (Email): *

மாண்புமிகு மக்கள் தன்னார்வலர் எண் (Volunteer ID):

தொடர்பு எண் (Phone Number): *

To (பெறுநர் Email):

CC :

BCC :

To Address (பெறுநர் முகவரி):

பெறுநர்:
1. திரு.C .சமயமூர்த்தி IAS ,
அரசு முதன்மை செயலாளர்,
மனித வள மேலாண்மைத்துறை, 
தலைமைச்செயலகம்,
சென்னை.

2.  திரு.பிரஜேந்திர நவநீத் , IAS.,
அரசு முதன்மை செயலாளர்,
தகவல் தொழில் நுட்ப துறை , 
தலைமைச்செயலகம்,
சென்னை.

Subject (பொருள்):

105 மத்திய அரசு மற்றும் தமிழ்நாடு அரசால் ஏற்றுக்கொள்ளப்பட்ட மின்னஞ்சல் கொள்கை (E-mail Policy) மற்றும் இணையப் பாதுகாப்பு கொள்கை (Cyber Security Policy) - தகவல் தொழில்நுட்ப துறை   அரசாணை 21, நாள் 23.8.24 மற்றும் அரசாணை 22, நாள் 9.9.24  - தகவல் தொழில்நுட்ப துறை செயலர் தங்களுக்கு அனுப்பியுள்ள 7.2.25 தேதியிட்ட 1-A /35/IT&DS(A2)2024 கடிதம் -   TNeGA மூலம் பொது தகவல் அலுவலர்களுக்கு    வழங்கப்பட்டுள்ள அரசால் அங்கீகரிக்கப்பட்ட  மின்னஞ்சல் முகவரிகள் - தங்கள் துறையால் பராமரிக்கப்படும்  rtionline.tn.gov.in  என்ற இணைய தளத்தில் பொது தகவல் அலுவலர்களுக்கான அங்கீகரிக்கப்படாத மின்னஞ்சல் பதிவேற்றம் -  கொள்கை மீறல்  தொடர்பான புகார்  மனு

Message Body (செய்தி):

பொறுப்புக்குரிய  ஐயா வணக்கம்,

பார்வை : மத்திய அரசு மற்றும் தமிழ்நாடு அரசால் ஏற்றுக்கொள்ளப்பட்ட மின்னஞ்சல் கொள்கை (E-mail Policy) மற்றும் இணையப் பாதுகாப்பு கொள்கை (Cyber Security Policy) - தகவல் தொழில்நுட்ப துறை   அரசாணை 21, நாள் 23.8.24 மற்றும் அரசாணை 22, நாள் 9.9.24  - தகவல் தொழில்நுட்ப துறை செயலர் தங்களுக்கு அனுப்பியுள்ள 7.2.25 தேதியிட்ட 1-A /35/IT&DS(A2)2024 கடிதம் -   TNeGA மூலம் பொது தகவல் அலுவலர்களுக்கு    வழங்கப்பட்டுள்ள அரசால் அங்கீகரிக்கப்பட்ட  மின்னஞ்சல் முகவரிகள் - தங்கள் துறையால் பராமரிக்கப்படும்  rtionline.tn.gov.in  என்ற இணைய தளத்தில் பொது தகவல் அலுவலர்களுக்கான அங்கீகரிக்கப்படாத மின்னஞ்சல் பதிவேற்றம் -  கொள்கை மீறல்  தொடர்பான புகார்  மனு.

அரசு அலுவலக செயல்பாடுகள் துரிதமாகவும் , வெளிப்படையாகவும் , பொறுப்புணர்வுடனும்   இருக்க வேண்டும் என்ற நோக்கத்தில் தமிழக அரசால் 2019 ஆம் ஆண்டு "E Office" அறிமுகம் செய்யப்பட்டது.   இதற்காக கோடிக்கணக்கில் நிதி ஒதுக்கப்பட்டது அனைவரும் அறிந்ததே.  இதை தொடர்ந்து தமிழக அரசால் பார்வையில் கண்டுள்ள இணைய பாதுகாப்பு மற்றும் மின்னஞ்சல் கொள்கைகள் உருவாக்கப்பட்டு அரசாணை வெளியிடப்பட்டுள்ளது.   "E Office" செயல்பாட்டிற்கு மிக முக்கியமாக , ஒவ்வொரு அரசு ஊழியரும் , தமிழக மின்னாளுமை (TNeGA) முகாமையால் வழங்கப்பட்டுள்ள அரசால் அங்கீகரிக்கப்பட்ட மின்னஞ்சல் முகவரிகளை மட்டுமே பயன்படுத்தவேண்டும் என்று பல்வேறு கடிதங்கள் வாயிலாக , தகவல் தொழில் நுட்ப செயலர் அவர்களால் வலியுறுத்தப்பட்டுள்ளது.

ஆனால், பெரும்பாலான அரசு ஊழியர்கள்  தனியார் நிறுவனங்கள் வழங்கியுள்ள @gmail, yahoo போன்ற மின்னஞ்சல் முகவரிகளை அலுவலக பணிகளுக்கு  பயன்படுத்துவதை வழக்கமாக கொண்டுள்ளனர்.   இதன் வாயிலாக, அரசின் செயல்பாடுகள் மற்றும் நம்பகத்தன்மை கேள்விக்குரியதாகியுள்ளது.  அரசின் தரவுகள் கசிவதற்கும், பாதுகாப்பற்ற முறையில் அரசின் செயல்பாடுகள் இருப்பதற்கும் இது வழிகோலுகிறது.  தமிழக அரசின் பல்வேறு துறைகளால் பராமரிக்கப்பட்டுவரும் இணைய தளங்களிலும் இந்த தனியார் மின்னஞ்சல் முகவரிகள் பயன்பாட்டில் உள்ளதாக ஆவணப்படுத்தப்பட்டுள்ளது. அரசு ஊழியர்களின் பணி சம்பந்தமான பொறுப்பை    மேற்பார்வையிடும் தங்கள் துறையும் இது குறித்து கவலைப்பட்டதாக தெரியவில்லை.

நான் ஒரு சமூக செயல்பாட்டாளர்.  அரசின் செயல்பாடுகளில் அக்கறை கொண்டவர். அரசின் கொள்கை முடிவுகளும் அதன் பலன்களும் சாமானியனுக்கு சென்று சேரவேண்டும் என்ற நோக்கில் அரசின் செயல்பாடுகளை உற்றுநோக்கி வரும் ஒரு பொறுப்புள்ள குடிமகன்.  தகவல் அறியும் ஆர்வலர். தேசிய தகவல் மையத்தால் கட்டமைக்கப்பட்டு, தங்களது துறையால் பராமரிக்கப்பட்டு வரும் rtionline.tn.gov.in  என்ற இணைய தள  சேவை கடந்த 5 வருடங்களுக்கு முன்பாக 16.2.2021 அன்று செயல்பாட்டிற்கு வந்தாலும் , இன்றுவரை இது ஆமை வேகத்தில் செயல்பட்டு முழுமை பெறவில்லை   என்பது வெளிப்படையான உண்மை.  இதன் மூலம் தகவல் அறியும் உரிமைச்சட்டத்தின் செயல்பாடுகள் தமிழகத்தில் கேள்விக்குறி ஆக்கப்பட்டுள்ளது.  இந்த பொருண்மை தங்கள் துறையின்  கீழ் வருவதால் கீழ்கண்ட குறைகள் சுட்டிக்காட்டப்படுகிறது.

1. rtionline.tn.gov.in என்ற இணைய தளத்தில் உள்ள 90 சதவிகிதத்திற்கும் மேலான பொது தகவல் அலுவலர்கள் , அரசால் அங்கீகரிக்கப்படாத தனியார் மின்னஞ்சல்களை பயன்படுத்துவதாக தங்கள் துறையே தரவுகளை பதிவேற்றம் செய்து ஒப்புகை சீட்டு வழங்குவது  வருந்தத்தக்க விஷயம்.

2. பெரும்பாலான மாநில அளவிலான அரசு துறை,  மற்றும் மாவட்ட ஆட்சியர்கள் அலுவலகத்தின் பராமரிப்பில் உள்ள  இணைய தளங்களில் சம்பந்தப்பட்ட அரசு அதிகாரிகளின் பெயருக்கு எதிராக அரசால் வழங்கப்பட்டுள்ள அவர்களது மின்னஞ்சல் முகவரி பதிவேற்றம் செய்யப்படவில்லை. இது அரசின் மின்னஞ்சல்  கொள்கைக்கு எதிரானது.

3. கடந்த 20 தினங்களாக , தங்கள் துறையின்  கீழ் செயல்படும் தமிழக தகவல் ஆணையத்தின் tnsic.nic.in  என்ற இணையதளம் முடக்கப்பட்டு செயல்பாட்டில் இல்லை.  இதன்மூலம் இரண்டாம் மேல்முறையீடு, வழக்கின் விசாரணை நிலைமையை அறிதல், தீர்ப்பு விபரங்களை பார்வையிடல்  போன்ற  சேவைகள் முற்றிலுமாக முடக்கப்பட்டுள்ளது.  இதுகுறித்து பல்வேறு புகார் மனுக்கள் சமர்ப்பிக்கப்பட்டும் இதுவரை இணையதளம் சீர் செய்யப்படவில்லை.

மேற்கண்ட  மூன்று  விடயங்களும் தங்களது அலுவலகத்தில் குறைகளைவு மனுவாக ஏற்கப்பட்டு இது தொடர்பான பதிவேட்டில்  பதிவிடப்படவேண்டும்.  அத்துடன் சம்பந்தப்பட்ட அதிகாரிகளுக்கு உரிய உத்தரவை பிறப்பித்து உடனடியாக நடவடிக்கை எடுக்க வேண்டும்.

இந்த புகார் மனுமீது  எடுக்கப்பட்ட நடவடிக்கைகள் குறித்து தகவல் அறியும் உரிமை சட்டத்தின் கீழ் தகவல்களை கோருவோம் என்பதையும் தங்களின் மேலான கவனத்திற்கு வைக்கின்றேன்.

நன்றி,

தங்கள் உண்மையுள்ள,

Copy To:

⚠️ குறிப்பு: Send Mail கொடுத்தவுடன் உங்கள் Gmail ஆப் தானாக திறக்கும். அதில் Send (அம்பு குறி) கிளிக் செய்து மின்னஞ்சலை அனுப்பவும்.