மாவட்ட அளவிலான இணைய தளத்தில் உள்ள அங்கீகரிக்கப்படாத மின்னஞ்சல் முகவரிகளை நீக்கக்கோரியும், அங்கீகரிக்கப்பட்ட மின்னஞ்சல் முகவரிகளை உள்ளீடு செய்யக்கோரியும், தமிழகத்தில் உள்ள அனைத்து மாவட்ட ஆட்சியர்களுக்கும் மாண்புமிகுமக்களின் கடிதம்.

பதிவுகளை சரிபார்த்து அனுப்பவும்

👤 உங்கள் விவரங்கள் (Your Details)

பெயர் (Name): *

முழு முகவரி (Full Address): *

மின்னஞ்சல் (Email): *

மாண்புமிகு மக்கள் தன்னார்வலர் எண் (Volunteer ID):

தொடர்பு எண் (Phone Number): *

To (பெறுநர் Email):

CC :

BCC :

To Address (பெறுநர் முகவரி):

பெறுபவர்
1. மதிப்பிற்குரிய மாவட்ட ஆட்சியர்கள் , அனைத்து மாவட்டங்கள்.
2. மதிப்பிற்குரிய மாவட்ட தகவல் அதிகாரிகள் , அனைத்து மாவட்டங்கள்
3. திரு பிரஜேந்திர நவீத் IAS , அரசு முதன்மை செயலர், தகவல் தொழில் நுட்ப துறை,  சென்னை.
4. திரு. சி. சமயமூர்த்தி IAS , அரசு முதன்மை செயலாளர், மனித வள மேலாண்மைத்துறை, சென்னை.
5. திரு. கமலக்கண்ணன், மாநில தகவல் அதிகாரி, NIC-TN Unit , சென்னை.

Subject (பொருள்):

119 மாவட்ட அளவிலான இணைய தளத்தில் உள்ள அங்கீகரிக்கப்படாத மின்னஞ்சல் முகவரிகளை நீக்கக்கோரியும், அங்கீகரிக்கப்பட்ட மின்னஞ்சல் முகவரிகளை உள்ளீடு செய்யக்கோரியும், தமிழகத்தில் உள்ள  அனைத்து மாவட்ட ஆட்சியர்களுக்கும் மாண்புமிகுமக்களின் கடிதம்.

Message Body (செய்தி):

மதிப்பிற்குரிய ஐயா வணக்கங்கள் ,
பொருள் :
இணைய  பாதுகாப்பு மற்றும் மின்னஞ்சல் கொள்கை மீறல்  – தங்கள் மாவட்டத்தின்  அதிகாரப்பூர்வ இணையதளத்தில்  அரசு ஊழியர்களின் பெயர்களுக்கு எதிராக அனுமதியற்ற மின்னஞ்சல் முகவரிகள் பதிவேற்றம் செய்யப்பட்டுள்ளது – NIC அமைப்பின் மாநில மற்றும் மாவட்ட தகவல் அதிகாரிகளின் அலட்சியம்  – தமிழ்நாடு அரசு ஊழியர்கள் அனுமதியற்ற மின்னஞ்சல் முகவரிகள் மூலம் கடித பரிவர்த்தனை செய்வது  துறை ரீதியான விதிமீறல் -– உடனடி சீர்திருத்த நடவடிக்கை கோருதல்.

பார்வை  :
தமிழ்நாடு அரசின் தகவல் தொழில்நுட்பத் துறை செயலாளர் அலுவலகத்தால் வெளியிடப்பட்ட அரசு ஆணைகள் மற்றும் கடிதங்கள்:

1.	G.O.(Ms) No.12, நாள் 24.09.2019 – மாநிலத்தில் e-Office அறிமுகப்படுத்துதல்.
2.	G.O.(D) No.29, நாள் 03.11.2021 – ரூ.2.90 கோடி செலவில் “e-mail” திட்டம் செயல்படுத்துதல்.
3.	G.O.(Ms) No.21, நாள் 23.08.2024 – மாநில இணைய  பாதுகாப்பு கொள்கை வெளியீடு.
4.	G.O.(Ms) No.22, நாள் 09.09.2024 – மாநில மின்னஞ்சல் கொள்கை வெளியீடு.
5.	D.O. Letter No.1240982/IT(C2)/2021, நாள் 27.10.2021 – மாநிலத்தின் அப்போதைய தலைமைச் செயலாளர் அதிகாரப்பூர்வ மின்னஞ்சல் முகவரிகள் மூலமாக மட்டுமே தொடர்பு கொள்ள வேண்டும் என்ற உத்தரவு.
6.	Letter No.1-A2/35/IT&DS(A)/2024, நாள் 07.02.2025 –  தகவல் தொழில் நுட்ப செயலர் அவர்களால் அனைத்து துறைத் தலைவர்களுக்கும் மற்றும் மாவட்ட ஆட்சியர்களுக்கும்   அதிகாரப்பூர்வ மின்னஞ்சல் முகவரிகளை மட்டுமே பயன்படுத்த வேண்டும் என்றும் அரசு இணையதளங்களில் உள்ள அனைத்து அனுமதியற்ற மின்னஞ்சல் முகவரிகளையும் அகற்ற வேண்டும் என்று அறிவுறுத்திய கடிதம்.

மேற்கண்ட பொருள் மற்றும் பார்வையில் கண்டுள்ள பொருண்மை  தொடர்பாக, தமிழ்நாடு மாநிலத்தில் e-Office செயல்படுத்தல், இணைய  பாதுகாப்பு கொள்கைகள் மற்றும் அரசு ஊழியர்களின் அதிகாரப்பூர்வ மின்னஞ்சல் பயன்பாடு குறித்து தங்களின்  கவனம் ஈர்க்கப்படுகிறது .

மேற்கண்ட அனைத்து அரசு ஆணைகளும் பின்வரும் நோக்கங்களை அடைவதற்காக வெளியிடப்பட்டவை:

1.	அலுவலகங்களில் காகிதப் பயன்பாட்டை குறைத்து பெரும்பாலான தொடர்புகளை மின்னணு முறையில் மாற்றுதல்.
2.	அரசின் பதிலளிப்பு திறன் மற்றும் செயல்திறனை மேம்படுத்துதல்.
3.	சேவை வழங்கும் நேரத்தை குறைத்து குடிமக்கள் சாசனத்தின் தேவைகளை பூர்த்தி செய்தல்.
4.	கைவசம் உள்ள வளங்களை சிறப்பாக நிர்வகித்து நிர்வாகத்தின் தரத்தை உயர்த்துதல்.
5.	அரசின் செயல்பாடுகளில் வெளிப்படைத்தன்மை மற்றும் பொறுப்புணர்வை நிலைநிறுத்துதல்.
6.	• குறைந்த செலவில் மின்னணு சேமிப்பு வசதியை ஏற்படுத்தி  சிறந்த சுற்றுச்சூழல்   முறைகளை ஊக்குவித்தல்.

ஆனால் மேற்கண்ட அரசு ஆணைகள் அனைத்தும் காகிதத்தில் மட்டுமே இருப்பதாக தோன்றுகிறது. e-Office மென்பொருள் அறிமுகப்படுத்தப்பட்டு ஏழு ஆண்டுகள் ஆன பின்னரும், அது மாவட்ட ஆட்சியர் அலுவலகத்தில் முழுமையாக செயல்படுத்த படவில்லை. தங்கள் அலுவலகத்திலும், தங்கள் கட்டுப்பாட்டில் உள்ள கீழ்நிலை  அலுவலகங்களிலும் இந்த E Office மென்பொருள் பயன்படுத்தப்படவேண்டிய பொறுப்பு தங்களுடையது.
அரசு ஊழியர்கள் தங்களின் அதிகாரப்பூர்வ  அரசு பணிகளுக்காக TNeGA மூலம் வழங்கப்பட்டுள்ள   அங்கீகரிக்கப்பட்ட மின்னஞ்சல் முகவரிகளை மட்டுமே பயன்படுத்த வேண்டும் என்று பார்வையில் கண்டுள்ள அரசாணைகள் மற்றும் கடிதங்களின் மூலம் தெளிவாக  குறிப்பிடப்பட்டுள்ளது.
பார்வை  6-ல் குறிப்பிடப்பட்டுள்ள ,  தகவல் தொழில்நுட்பத் துறை செயலாளர்  தங்களுக்கு அனுப்பிய கடிதத்தில், இந்த மின்னஞ்சல் கொள்கைகளை  மீறுவது அரசு பதிவுகளின் தவறான பயன்பாடாகவும், அரசு தொடர்புகளின் உண்மைத்தன்மை மற்றும் வெளிப்படைத்தன்மையை பாதிக்கும் செயலாகவும் கருதப்படும் என்று தெளிவாக கூறியுள்ளார்.
ஆனால் தங்களது மாவட்ட இணைய தளத்தில் உள்ள Contact Directory ஐ   பார்வையிடும்போது, பொறுப்பான அரசு அதிகாரிகள் மற்றும் ஊழியர்களின் பெயர்களுக்கு எதிராக அனுமதியற்ற மின்னஞ்சல் முகவரிகள் (பொதுவாக Gmail போன்றவை) இடம்பெற்றிருப்பது வருத்தமளிக்கிறது.  இது ஒரு தெளிவான விதிமுறை மீறல் மட்டுமல்ல அலட்சியம் என்று கருதப்படுகிறது .
இத்தகைய  விதிமீறல்களுக்கு , தங்கள் அலுவலகத்தில் அமர்ந்துள்ள மாவட்ட தகவல் அலுவலர் (District Information Officer- NIC Unit ) அவர்களும் துணையாக உள்ளார்   என்ற உண்மையை  Ministry of Electronics and Information Technology - மத்திய மின்னணு மற்றும் தகவல் தொழில்நுட்ப அமைச்சகத்தின் கவனத்திற்கு வைக்கப்பட்டுள்ளது.

இந்த விதிமீறல்களால், அரசின் செயல்பாடுகளில் • வெளிப்படைத்தன்மை குறைவு, • பொறுப்புணர்வு குறைவு, • தகவல் பாதுகாப்பு சிக்கல்கள், கசிவுகள் , • தரவு திருட்டு அபாயம் போன்ற பிரச்சினைகள் உருவாகும் வாய்ப்பு உள்ளது.

மேலும் மனித வள மேலாண்மை துறை பராமரிப்பில் உள்ள   rtionline.tn.gov.in இணைய தளத்தின் மூலம் சமர்ப்பிக்கப்படும் , தகவல் அறியும் உரிமைச்சட்ட மனுக்களை கையாள்வதில் கீழ்கண்ட குறைபாடுகள் தங்கள் கவனத்திற்கு கொண்டுவரப்படுகிறது.

1.	பொது தகவல் அலுவலர்கள் TNeGA வழங்கிய அதிகாரபூர்வமான மின்னஞ்சல்களை பயன்படுத்துவது இல்லை. மாறாக @gmail  முகவரிகளை பயன்படுத்துகின்றனர்.
2.	இந்த இணைய செயல்பாட்டிற்காக விடுக்கப்பட்டுள்ள பயனாளர் குறிப்பேட்டில் குறிப்பிட்டுள்ளபடி மனுக்கள் கையாளப்படுவது இல்லை.
3.	மனுதாரருக்கு வழங்கப்படும் பதில்கள்/ தகவல்கள் இணைய வழியில் பதிவேற்றம் செய்யப்படுவது இல்லை.
4.	கூடுதல் கட்டணம் கேட்கும்பொழுது , பயனாளர் குறிப்பேட்டில் குறிப்பிடப்பட்டுள்ளபடி , தொகை செலுத்துவதற்கான இணைப்பை (link)  இணையத்தில் வழங்குவதில்லை.
5.	தங்கள் மாவட்ட இணைய தளத்தில் தகவல் அறியும் உரிமைச்சட்டம் பிரிவு 4(1)(b) ல் குறிப்பிடப்பட்டுள்ளபடி , தாமாக முன்வந்து சீரிய இடைவெளியில்  வெளியிடப்படவேண்டிய தகவல்கள் பதிவேற்றம் செய்யப்படவில்லை.

எனவே, ஒரு பொறுப்புள்ள குடிமகனாக, இந்த பிரச்சினைகள் அனைத்தையும் மாவட்ட ஆட்சியரின் கவனத்திற்கும், மாவட்ட தகவல் அதிகாரி (NIC Unit) க்கும்,  மாநில தகவல் அதிகாரி திரு. கமலக்கண்ணன் அவர்கள் கவனத்திற்கும் வைக்கின்றேன்.   இந்த மிக முக்கியமான பிரச்சினையை உடனடியாக ஆய்வு செய்து, தங்களது மாவட்ட ஆட்சியர் அலுவலக  இணையதளங்களில் உள்ள அனைத்து அனுமதியற்ற மின்னஞ்சல் முகவரிகளையும் உடனடியாக அகற்றுவதுடன் , குடிமக்கள் எளிதாக தொடர்பு கொள்ளும் வகையில் , அலுவலர்களின் தொடர்பு எண் ,  அதிகாரபூர்வமான மின்னஞ்சல் முகவரி ஆகியவற்றை உடனடியாக  பதிவேற்றம் செய்யவேண்டும் என கேட்டுக்கொள்கிறேன்.

மேலும், மாநிலத்தின் தலைமைச் செயலாளர் அவர்கள், மனித வள மேலாண்மை செயலர் அவர்கள்  அரசு அலுவலகங்கள் அனைத்திலும்  ,  அரசின்  விதிமுறைகள் மற்றும் நடைமுறைகளை முறையாக பின்பற்றுமாறு உத்தரவு பிறப்பித்து வெளிப்படைத்தன்மை, பொறுப்புணர்வு மற்றும் நல்லாட்சியை உறுதி செய்ய வேண்டும் என்று கனிவுடன் கேட்டுக்கொள்கிறேன்.

நன்றி.
தங்கள் உண்மையுள்ள

Copy To:

⚠️ குறிப்பு: Send Mail கொடுத்தவுடன் உங்கள் Gmail ஆப் தானாக திறக்கும். அதில் Send (அம்பு குறி) கிளிக் செய்து மின்னஞ்சலை அனுப்பவும்.